AMED - Şaredarîya Amedî ya Bajarê Girdî, çarçewaya perwerdeyê hişmendîyê afetî de, perwerdeyê teorîk û pratîkî yê semedê mamosteyan û wendekaran domnena.

 

Serekîya Daîreya Karê Afetan, dibistanan de perwerdeyê hişmendîye virazenê ke derheqê çîyanê ke demê afetî û dimayê afetî de lazim o bêrê kerdiş. Na çarçewa de, perwerdeyê hişmendîya afetî ke Dibistana Sereyînî ya TOKÎya Habeşî de ameyî kerdiş de, mamosteyan û wendekaran ra ame vatiş ke erdlerz, şewat û afetê bînan ê muhtemelan de ganî çi bêrê kerdiş.

 

Perwerdeyê pratîk

 

Perwerdeyî de, vernê de wendekaran rê qalê rayîrê têgêrayîşê raştî têkoşînê hemverê afetî û demê erdlerzî de, caardişê vengkerdişê lezgîn û tedbîrê verênî yê şewatî de ame kerdiş. Dima ra, mamoste û wendekarî hewşê dibistane de ameyî pê û tedbîrê şewatê muhtemelî yê bi tûpe, tefênayîşê adirî bi hawayêko pratîk ame tatbîqkerdiş.

 

Perwerdeyê hişmendîya afetî dir, armanc no yo ke bi dayîşê perwerdeyan derheqê çîyanê ke verê, demî de û dimayê afetî de lazim o bêrê kerdiş, welatijî afet de têgêrayîşêko raşt nîşan bidê.

 

Perwerdeyê hişmendîya afetî, çarçewaya protokolê ke bi Midûrîya Perwerdeyê Neteweyî dir ame viraştiş de, do rojê bêrê de dibistanê bînan de zî dewam bikero.