MERKEZÊ XEBERAN - Aktivîsta siyasî û tepişteya verî ya sîyasî Leyla Mirghafarî, keyeyê xo de ameye destbendkerdiş. Muhsînî Ejeî reyke bîn tehdîdê dardekerdişê muxalîfan werd û endîşeyê derheqê rewşa kesê destbendkerdiş de zêde benê.

 

Goreyê raporê ameyê weşanayîş, aktivîsta siyasî û tepişteya verî ya siyasî Leyla Mirghafirî, netîceya sereştişê keyeyê aye de hetê hêzê asayîşî ra ameye destbendkerdiş.

 

Heta nika derheqê sebebê destbendkerdiş û hetê kam ci sazgehî ra ameya destbendkerdiş tu agahî nêameyo parekerdiş.

 

Pêwa destpêkerdişê şerî, selahîyetdarê dadgerî û asayîşî yê Komara Îslamê Îran, tehdîd welatijan rê kerd û her tewirê xebatê hemverê rejîmê sey ajanî, hemkariya DYE-Îsraîlî dir bi name kerdî. Nê şertan de destbendkerdişê welatijan, sivîlan, aktivîstê sivîlî û bi taybetî tepiştişê tepişteyanê verî yê siyasî, înan rî bi rî yê tehlukeyê bi zorî îtirafkerdiş, îşkence û heta dardekerdişî verdeno.

 

Vizêrî, serekê dezgehê dadwerî yê Îranî, Muhsenî Ejeî, reyke bîn diyar kerd ke înan qerar semedê desteserkerdiş û desteserkerdişê keye û milkê hîn kesê ke DYE- Îsraîlî dir hemkarî kerdê, ameyo dayîş û cezaya bîn yê ganî çarçewaya de cezaya dardekerdişî bê.