MERKEZÊ XEBERAN - Wargehê multecîyan ê Mexmûrî de 18ine Festîvala Kultur û Sporî yê 4ê Nîsana ke 4ê adare de dest pêkerdibî bi coşêk pîl, bi musabaqanê xêzkerdiş û satrancî dewam kena.

 

Her serre wargehê multecîyan ê Şehîd Rustem Cudî (Mexmûr) bi wesîleya 4ê Nîsane roja dayîkbîyayîşê Rayberê Şarê Kurdî Abdullah Ocalanî, festîvalêk kultur û sporî yeno organîzekerdiş.

 

Sey her serre emser zî festîvala 18ine ê Kultur û Sporî ke 4ê adare de bi turnovayê futbolî dest pêkerdibî, bi musabaqayê xêzkerdiş û satrancî dewam kerd.

 

Musabaqaya xêzkerdiş û satrancî mabêne mektebanê amadeyî de bi coşêk pîl ame organîzekerdiş. Sewbîna festîvale do heta 4ê Nîsane bi çalakîyê tewir bi tewir dewam bikero.