WAN - Taxa Îlvîlî ya Wanî de projeyê GESî ke wareyêk 500 hezar metrekare ser o yo, 69 hezar û 888 panelê rojî est ê. Goreyê agahîyanê Komeleya Ekolojî ya Wanî, semedê pakkerdişê panelan her şûtişî de 140 ton awe yena şixulnayene, madeyê kîmyewî yê ke yenê şixulnayene tewrê herre benê, çimeyê awe yenê xebatnayene û cayê ziraatî teng benê. Goreyê komeleye, nê projeyî tesîrêko negatîf serê dengeyê ekolojî keno.

 

Cografyaya Kurdistanî de bi serran o polîtîkayê talanî domîyenê û bi projeyanê Santralê Enerjîya Rojî (GES), Santralê Enerjîya Jeotermal (JES) û Santralê Hîdroelektîrîkî (HES) no talankerdiş hîna giran beno. Serranê peyênan de bi nê projeyan tenê xoza hedef nîna girewtiş, eynî wextî de cayê cuye yê şarê kurdî, kultur û vîrê cimatî zî çîn benê. Dimayê ke koyî, zozanî, mêrgî û çimeyê awe semedê şîrketan ameyî mojnayîş, waştî ke şarê herême herra înan ra bivejê û polîtîkayê bêmerdimkerdişî giran kenê.

 

Projeyê GESî yê ke bi destê qeyûman pê ameyî

 

Herêma Serhedî de projeyê GESî pey yewbînan kewenê cuye û berardişê enerjîye ra watayêr, texrîbato ke serê ekolojî û cimatî de yo roj bi roje giran beno. Taxa Îlvîlî ya Artemêta Wanî de semedê hewcedarîya enerjîya VASKÎ ya ke destê qeyûman de ya bêro peydakerdiş, Mewqîyê Koyê Cinî de wareyêk 500 hezar metrekare ser o projeyê GESî ame awankerdiş. Çarçewaya projeyî de yeno armanckerdiş ke berardişê ceyranî, pompekerdişê awe yê VASKÎ û tesîsê parzûnkerdişî de nê xizmetî bido.

 

Wareyê 500 hezar metrekare ser o 69 hezar û 888 panelê rojî est ê. Goreyê agahiyanê ke Komeleya Ekolojîye ya Wanî ra ameyî girewtene, semedê pakkerdişê panelan her şûtişî de 140 ton awe yena şixulnayene, madeyê kîmyewî yê ke yenê şixulnayene tewrê herre benê, çimeyê awe yenê xebitnayene û cayê ziraatî teng benê. Goreyê komeleye, nê projeyî tesîrêko negatîf serê dengeyê ekolojî kenê.