MERKEZÊ XEBERAN - Heratê Afganistanî de, selahîyetdaranê Talîbanî şuxilnayîşê telefonê zîrekî dibistanan de qedexe kerdî.

 

Heratê Afganistanî de, selahîyetdaranê Talîbanî şuxilnayîşê telefonê zîrekî dibistanan de qedexe kerdî. Goreyê agahîyan, no qerar do hewteyê bêro de bêro caardiş. Hîrê mamosteyê ke dibistana dewletî ya Heratî de xebate kenê piştrast kerdî ke ê qedexeyî agahdar bîyî. La hema tu belgeyêk fermî yan zî talîmatêk nuştekî yê hîra yê qedexeyî dîyar bikero, nêame weşankerdiş.

 

Tehdîdê caardişî semedê nêvuryayîşî

 

Goreyê agahîyanê ke çapemenîye de vejîyayî, talîmatanê serekê Talîbanî hetê “Emir û Serekîya Ferman û Qeraran” ê rêxistinî dadgehanê leşkerî yê heşt herêmanê cîyayê welatî rê ameyî şirawîtiş. Talîmat de yeno vatiş ke kesê ke bi qedexeyî tênêgêrê do sey sucdar bêrê hesabkerdiş û beno ke dadgeha leşkerî de bêrê muhakemekerdiş. La selahîyetdaranê Talîbanî agahîyanê hîra qedexe mîyanê xo de gêno û senîn do bêro cardiş pare nêkerdî.