MERKEZÊ XEBERAN – Dadî û babîyê wendekaranê bajarokê Rimêlanî verê Dibistana Şehîd Ahîn de semedê perwerdeyê bi kurdkî dest bi çalakîya konronayîşî kerd.

 

Dadî û babîyê wendekaranê Dibistana Şehîd Ahînî ya Rimêlanê ya Girkê Legê, ewro verê dibistane de kone dayî ro û çalakî organîze kerd. Çalakîkeran waşt ke perwerdeyê mîyanê dibistanan de bi temamî bi ziwanê kurdkî bibo.

 

Dadî û babî û roniştoxê herême tewrê çalakîye bîyî, waştişê heqê tutanê xo yê musayîşê bi ziwanê dadîye kerd û qerarê Wezaretê Perwerdeyî yê hukmatê vurnayîşî yê sînordarkerdişê perwerdeyê bi ziwanê kurdkî yê bi 3 dersanê hewteyî red kerd.

 

Çalakîye de, wendekara bi nameyê Naya Hesen eşkerayîyêk wende û waşt ke Wezaretê Perwerdeyî qedrê heqê cimatê kurdî yê perwerdeyê bi ziwanê dadîye bigîro.