Fîlîz Zeyrek

 

EDENE - Cinîya Cengîz Aslanî nêweşê Çolyakî yo û halê hepisxane de her ke şino giran beno, Hulya Aslane dîyar kerde ke mêrdeyê aye demê surgunî de rastê îşkence ameyo û va: "Dimayê îşkenceyê Hepisxaneyê Tîpê T yê Bunyanî ê Kayserî, mêrdeyê mi va, 'Cuya ma xeter de ya, eşkenê ma bikşê.'

 

Bi OHALî dir hepisxanen de îhlalkerdişê heqan her ke şino zêde beno. Taybetî zî halê hepsîyê nêweşan bi nê caardişan her ke şino giran beno.  Cengîz Aslan hepisxaneyê Tîpê M yê Karamanî ra surgunê hepisxaneyê Tîpê T yê Bunyanî ê  Kayserî ame kerdiş û îşkenceyê ke dî hemkarîyê cinîya ey Hulya Aslane vejya meydan.

 

Hulya ard ziwan ke Cengîz û 11 hepsîyê sîyasî rastê îşkence ameyê û mêrdeyê aye netîceyê derbkerdişî de di dindanê ey ameyê şiknayîş û wina va: "Semedo ke îşkenceyê cigîrayîşê viran qebûl nêkerdê, rastê îşkenceyê fîzîkî ameyê.  Telefon de zêde nêva. La îşkenceyê cîya ro ci kerdê. Ez cuyayîşê mêrdeyê xo ra endîşeyîna. Gelo uca se beno? Hîn çîyê ke nêeşkeyna vajo estbî."

 

'Cuya ma xeter de ya'

 

Hulya ard ziwan ke mêrdeyê aye nêweşê çolyakî yo û ganî werdê xo dir eleqedar bo û nêeşkeno heme çî boro û wina va: "Di embazê ey, semedo ke derb bîyê kewtî livînan. Mêrdeyê mi va, 'cuya ma xeter de ya, eşkenê ma bikşê."

 

Hulya peynîye qalîkerdişê xo de veng da heme raya pêroyî ke hemverê caardişê hepisxanan, hîsgêr tê bigeyrê û vengê xo bidê hepsîyan.