MÊRDÎN - Maya Aştîye Mewlûde Başdaşe ke 59 serrî ya bi sebebê cezaya aye esta aşmêk verê amîbî tepiştiş. Ame zanayîş ke Maya Mewlûde Başdaşe semedê nêweşîya xo şekirî krîz derbaz kerda. Çimêke Mewlûde çin o û o bîn zî şemityaw û her ke şino halê weşîya Mewlûde ver bi nêbaşî şino.

 

Mewlûde Başdaşa ke emrê aye 59 serrî yo 1ê Teşrîna Verêne 2015 de sey qalxano ganî beşdarê çalakîya semedê vernîgirewtişê operasyonê leşkerî, bîbî. No semed ra serra vîyart 4 serrî û di aşmî ceza li ci amî birnayîş. Cezaya ke li ci amîbî birnayîş, hetê dadgeha berzî ra amebî tesdîqkerdiş. Nika zî Mewlûde Hepisxaneyê Girewteyê Cinîyan ê Şakranî de ya.

 

Mewlûde ganî bêro tedawîkerdiş!

 

Semedo ke Mewlûde gurçikanê xo, zerrîya xo û çimê xo yê bîn vînî nêkero, bi hawayêke cidî bêro tedawîkerdiş. Semedo ke çimê Mewlûde nêame tedawîkerdiş, problem çimê aye bîn de zî vejyayo. Eke nêro tedawîkerdiş tehlukeyê vînîkerdişê çimê ci esto.

 

Îlacê aye nêameyê dayîş!

  

Semedo ke emrê Mewlûde girs o, nêeşkena îhtîyacê xo hemine bi ca bîyaro. No semed ra her wext nêweşîya xo şekir ra krîz derbaz kena. Pêwa ke di rey koxuşe de kewta warî û nobete derbaz kerda, reyna zî nêberdê nêweşxane. Wexto ke Mewlûde kewta hepisxane, di hewteyê ewilî îlacê aye nêameyê dayîş. Keyeyê Mewlûde dîyar kerde ke ganî maya înan bêrê veradayîş û bêro tedawîkerdiş.