DÊRSIM - Cinîyê dêrsimijî bi wesîleyê 25ê Teşrîna Peyêne Roja Têkoşînê Vera Şîdetê Ser ê Cinîyan ê Mîyanneteweyî de do bêrî têhet. Cinîyê dêrsimijî do taxa Seyîd Riza re kom bibî. Seba beşdarbîyayişê çalakîya cinîyan vengê beşdarbîyayişê çalakî ame kerdiş.

 

Babete ser o Sekretera SESî ya Dêrsimî Duygu Kurbane qisey kerde û veng da heme cinîyan ke beşdarê çalakîya siba bibî.

 

Duygu qiseykerdişê xo de wina va: “Siba ma do wayîrê mîrateyê Mîrabeleyan bivejî. Badê îlankerdişê rewşa OHALî cinî, doman û heme kesan ser de şîdet her ke şî zêde bî. Sîstem bi KHKyan waşt ke cinîyan kar ra bierzo û înan dur fîno. Seba ke cinîyî keye de bêrî hepiskerdiş Qerarnameyê Hukmê Qanunî (KHK) ameyî vetiş. 25 Teşrîna Peyêne de ma do taxan de bibî û kerdişê dewlete şermizar bikerî. Bi femhê bawerî, yew mezhebî û yew nijadî seyyewbînanîye cinî û camêrdan nêbeno.  Yeno waştiş ke cinî şîdet reyde rî bi rî bimanî.”

 

Polîtîkayê taybet keno dewre

 

Duygu tewr peynî wina va: “AKPyî seba ciwan û cinîyan polîtîkayê taybetan keno dewre. Seba çareserkerdişê probleman, cinîyê dêrsimijî vejîyayî taxan. Qirkerdişê Soma û Anqara de zî cinî vera HESan de reaksîyon nawitî û taxan de têkoşîn dayî. Siba do her cayê dinya de cinî bivejyî taxan. Ma do zî siba taxan de bibî û reaksîyon binawnî kerdişanê AKPyî. Ma veng danê heme cinîyan ke siba saet 15.00 de bêrî taxa Seyîd Riza û beşdarê çalakîye bibî.”