Şehrîban Aslan

 

ÊLIH - Êlih de G. ya 14 serre rastê îstîsmaro zayendî û fuhuşî amebî. Derheqê hedîse de roniştişê yewin virazya. Îdianame de îfadeyê domane derheqê îstîsmar û kesan de bi hîrayî ca gênê û qeydê telefon, îfadeyê şahidan zî hetê îstîsmaro zayendî vet meydan. La heyetê dadgehe dewaya ke semedê îstîsmar û fuhuşî 15 serre ceza waştêne, pêwa delîlan 4 gumanbaran ra 2 hebî ameyî tehlîyekerdiş.

 

Muxabirê Gazete Şûjine ke bi KHKa amî padayîş, Şîlan Ozhan û Şehrîban Aslan bi xebera ke viraştibî hedîseyê îstîsmarê ê Êlihî vejya meydan û yewin roniştişê dewa ame vînayîş.

 

Êlih de domana bi nameyê G.ya ke kuafur de xebityayne, hetê wayîrê dikanî ra  fuhuş ci rê ame ferzkerdiş û rastê îstîsmaro zayendî amîbî. Hedîse 15ê Nîsana 2017 de întîkalê Serdozgerîya Komara Êlihî ame kerdiş û dimayê îfadeyê domane, qerarê nimte semedê dosya ame dayîş. Dimayê îfadeyê mexdure, qeydê telefonî û qeydê HTSî Yildiz Ç (45), Eflatun E. (53), Mehmet Şakîr A (56) Heves T. (49) û K.T (50), hetê 2în Cezaya Sulh ê Êlihî ra 17ê Nîsane de amey tepiştiş. Camêrdo bi nameyê K.T 23ê Hezîrana 2017 de bi şertê kontrolê edlî ame veradayîş.

 

15 serre ceza yeno waştiş 

 

8ê tebaxa 2018 de îdianame ame amadekerdiş û derheqê wayîrê Salona Kuafurî A’dan Z’ye, Yildiz Ç de sucê ‘domane teşwîkê fuhuşî kerdiş’ ‘îstîmaro zayendî yê hemverê domane' derheqê Eflatun E. ke xo sey keya da naskerdiş, derheqê Mehmet Şakîr A. ke dikanê ey penîr estbi û derheqê Heves T de sucê îstîsmaro zayendî de dewa amî akerdiş.

 

Dimayê ke îdianame ame qebulkerdiş goreyê maddeyê 103 û 227an ê TCKî bi waştişê 3 serran, heta 15 serran ceza ame waştiş û 20ê Teşrîna Peyêne 2017an de roniştişê yewin 1in Dadgeha Cezaya Giran ya Êlihî de amî vînayîş. Gumanbarî roniştiş de amade bî, Komîsyonê Heqê Cinîyan ê Baroya Êlihî zî mudaxîlê dewa bî.

 

Bi tehdîd û şantaj fuhuş ci rê ame ferzkerdiş 

 

Roniştişê yewin de gumanbaran rê îdianame ame wendiş û goreyê îdianame, îfadeyê G. da dozgerî de dîyar kerda ke hetê wayîre kuafurî Yildiz Ç. ra serê hişê xo ra ameya şîyayîş, wexto ke wişta we fam kerda ke rastê îstîsmarî ameya û Yildize vato ‘vîdeoyê to mi dir esto, ez do bimojnî keye û pîyê to' û bi tehdîd û şantajî aye tersnayo. La ame tespîtkerdiş ke telefonê Yildiz Ç de dîmenêke winî çin o, tena semedê tersî winî vato.

 

Goreyê îdianame wexto ke ser hişê xo ra şîya ameya îstîsmarkerdiş û keso ke aye îstîsmar kerdo Eflatun E. yo. Eynî wextî de camêrdo bi nameyê K.T. zî bi şertê kontrolê edlî ame veradayîş.

 

Heto bîn ra îdianame de ame dîyarkerdiş ke camêrdê ke domane îstîsmar kerdê pere dayê Yildiz Ç. Goreyê îfadeyê domane Mehmet Şakîr A., Eflatun E. û Heves T. dikanê xo de îstîsmar kerdê û pere Yildiz Ç. rê eşrawitê. No ser, qeydê HTSî BTK ra amey wendiş. Vejya meydan ke Yildize domane rê fuhuş ferz kerdo û qiseykerdişê telefonî de no ame tespîtkerdiş.

 

Heyetê dadgehe qerarê dewamkerdişê tepiştişê Yildiz Ç û Eflatun E da. Heves T û Mehmet Şakîr A. zî tahlîye kerdî.

 

Komîsyonê Heqê Merdiman ê Cinîyan  Baroya Êlihî zî dîyar kerde ke destpêk de mudaxîlê dewa bîyê û dîyar kerde ke ê do heta peynî mudaxîl bibê.