Keyeyê Abdullah Ocalanî muracatê pêvînayîşî kerd
- 13:48 12 Çele 2018
- NAROJANE
STENBOL - Keyeyê Rayberê PKKî Abdullah Ocalanî û keyeyê 3 hepsîyê bînî reya 59ine semedê pêvînayîşê merdimanê xo muracatê Serdozgerîya Komara Bursa kerdî.
Semedê pêvînayîşê Rayberê PKKî Abdullah Ocalan Hepisxaneyê Girewteyê Tîpê F yê Asayîşê Berz ê Îmralî de tepişnaye yo waya ey Fatma Ocalan û birayê ey Mehmet Ocalanî bi mîyançîyê avûkatan roja yewşeme muracatê Serdozgerîya Komara Bursa kerdî.
Reyna hepsîyo bîn Hamîlî Yildirim birayê ci Polat Yildirim, birayê Omer Hayrî Konarî, Alî Konar û waya Veysel Aktaşî Sabîha Aslane bi mîyançîyê avûkatan muracatê Serdozgerîya Komara Bursa kerdî.
Bi no waştişê pêvînayîşî, keyeyan 11 Êlule 2016 ra nata 59 rey muracat kerdê.