MÊRDÎN- Meles Tekîna ke Dêrik de 2ê Nîsane de seba ke cezaya aye tesdîq bî amî tewqîfkerdiş, nameyêke  Wezaretê Dade rê eşrawit û va: "Bi desan dayîkê sey mi estê."

 

Dêrikê Mêrdînî de Meles Tekîna 73 serrî 12 rojî verê bi sebebê 4 serre û 2 aşmî cezaya aye tesdîq bî amî tepiştiş û hetê dadgehe ra amî tepiştiş. Melesa ke yew dayîkê ke 2015 de beşdarê çalakîya qalxanê ganî seba pêrodayîşê Koyê Bagokî bêrê vindernayîş û merdişî bêrê vindarnayîş bî bi îdiaya 'endamîya rêxistine' ra amî tepiştiş û eşrawitî Hepisxaneyê Tîpê E yê Mêrdînî.

Melesa ke nêweşa şekir, tansîyon û xeylê çî bîn a, hetê merdimanê aye ra ame vatiş ke aye girewtê koxuşa serbixo û lazimîyê xo yê rojane zî bi zor bi ca ana.

 

'Pêwa nêweşî moralê aye baş o'

 

Domanê Melese dayî zanayîş ke maya înan wendiş û nuştiş nêzana û verê ke aye ra pers bikerê aye kerdê koxuşê serbixoyan û vatî seba ke maya înan koxuşe ra vejyo waştişname dayî û pêwa nêweşîya maya înan moralê aye zaf baş bîyo.

 

Melese bi hemkarîya domananê xo mesajêke eşrawit û wina va: "Ez tîya baş a. Pêwa heme çî moralê mi baş o. Ez wezaretê dade rê z, nameyêke eşrawena. Sey mi bi desan mayî estê."

Melese derheqê ceza de hetê dadgehe ra amebî dayîş de roportajêke xo de îfadeyê 'Ez poşman nîya, reyna bibo ez do reyna bikerî'

 

Domanê Melese seba maya înan serbestîya bi kontrol îfade bigîro do muracat bikerê.

 

Mevludeya 60 serrî zî hepisxaneyê Şakranî de ya

 

Verê Dêrikî dayîke Aştîye Mevlude Baştaşa 60 serrî bi sebebê cezaya derheqê aye de tesdîq bîya amebî tepiştiş û Teşrîna Peyêne 2017 de heta nika hepisxaneyê Şakranî de tewqîfkerde ya. Mevlude  ke di rey krîzê qelbî derbaz kerde û dermanê aye nînê dayîş pêwa ke di rey zî serbestîyê bi kontrol îfadeyê aye bêrê girewtiş muracat kerda zî tu netîce nêameyo girewtiş.