Berîtan Canozer

 

STENBOL - Avûkat Several Ballikaya dîyar kerde ke sîstemê Hepisxaneyê Îmralî bi OHALî dir kewt çîyêk bîn û wina va: "Ocalan verê hepsîyêke hêzêke sîyasî yo. Komelî de kilm dewam bikero zî bi pêşenîyê Birêz Ocalanî dir hêvîya aştî zergûn bîbî."

 

Hepisxaneyê Tîpê F yê Asayîşê Berz ê Îmralî de bi 19 serrî yo ser ê Rayberê PKKî Abdullah Ocalanî de tecrîd dewam keno û pêvînayîşê bi keye, avûkat û heyetê Îmralî rê zî ame astengkerdiş. Keye û avûkatê ey bi desan rey seba pêvînayîşî muracat kerdî la bi sebebê 'koster xeraya' û ‘hewa baş nîyo' bê netîce manenê û 15ê Temmuze 2016an ra dima bi OHALî dir no tecrîd tewr giran bi.

 

Avûkat Several Ballikaya  bale ante serê girîngiyê pêvînayîşê bi Abdullah Ocalanî dir û wina va: "Sîstemê Îmralî 1999an ra dima bi tecrîd dewam kerdo. 2011 de pêvînayîşê bi avûkatan dir ame vindarnayîş. Xeylê avûkatê ey ameyî tepiştiş. 2011 ra dima avûkatan nêgirewtî hepisxane. 2015 de bi parlamenteran dir pêvînayîşî estbî. Tewr peynî 2016 de bi birayê xo dir pêvînayîş kerd. Xêrcê ey pêvînayîş êdî nêame kerdiş. Îmralî de sîstemêke şîdetîn yeno caardiş."

 

'Yê rapora CPTî de ca gênê hemverê destûrê bingehînê'

 

Severale dewam de da zanayîş ke no sîstem hemverê metodê huqûqî yê û wina va: "Nê îhlalkerdişê huqûqî yê. Caardişê raporê CPT de ca gênê, wextêke hema hende teda çinbî de ameyê amadekerdiş. Rewşe nika tewr giran a. Yê rapor de nusnenê zî hemverê huqûq û destûrê bingehîn ê. Hepsî tu heqê xo ra feyde nêgînê."

 

'Ocalan hêzêke sîyasî yo'

 

Severale da zanayîş ke hepisxaneyê Tîpê F yê Tirkîya de teda û îhlalkerdişê heqan giran bîyo û sîstemê ke Îmralî de bi ca yenê, caardişê sîstemê Tîpê F cîyayî yê û wina va: "Hepisxaneyê Tîpê F bi keye û avûkatan dir astengî estbê zî eşkenê pêvînayîş bêrê kerdiş. Ma sîstemê înan ra endîşeyîn ê. Heto bîn ra Abdullah Ocalan verê hepsîyêke hêzêke sîyasî yi. Rewşe ey zaf girîng a."

 

Severale tewr peyîn de bale ante serê tecrîdê û arde ziwan ke ganî tecrîd meydan ra wirzo û pêvînayîşî bi Abdullah Ocalanî dir destpê bikerê. Eynî wextî de Severale veng da ke ganî dest rejîmê Îmralî ra bêro veradayîş.