STENBOL - Endama HDP MYKî Ayşe Berktaye tecrîdê serê Rayberê PKKî Abdullah Ocalanî şîrove kerde û va: "Tena xebitnayîşê îfadeyê tecrîdî, tecrîdê Îmralî baş nêmojneno ra. Uca de polîtîkayêke çinkerdiş yeno meşnayîş. Îqtîdar hewl dano ke serdestîyê xo uca de awan bikero."

 

Tecrîdo giran yê serê Rayberê PKKî Abdullah Ocalanî dewam keno û îhlalkerdişê heqan binê nameyê OHALî zî Tirkîya de bêmabên zêde benê. Seba pêvînayîşê bi Abdullah Ocalanî dir destûr nînê dayîş û heme muracatê avûkatan zî yenê redkerdiş. Endama HDP MYKî Ayşe Berktaye derheqê tecrîd û weçînayîşan de şîrove kerde. Ayşe ard ziwan ke tecrîdê Îmralî dir averşîyayîşê Tirkiye û Rojhelato Mîyanên kewtê mîyanê kaosî û wextê qerarê şer û îmha ameyê dayîş, caardişê tecrîdî ameyo rojeve.

 

'Caardişê tecrîdî bandure polîtîkayê welat keno'

 

Ayşe bale ante serê bandure tecrîdî yê serê polîtîkayê welat û wina va: "Tecrîd giran beno, têkoşîn tûnd beno. Hetê serdestan de weçînayîşêke babeta vatişî ya. Babeta 'ma polîtîkayê hegomonîk taqîb bikerê ya zî ma do tecrîdo demokratîk vejê vernî' esto. Tîya de tercîhê xo hetê polîtîkayê şer de dayê meydan û şert û mercê Îmralî giran kerdê."

 

'Bi tecrîdî dir rayîrê çareserî yenê astengkerdiş'

 

Ayşe dewamê qiseykerdişê xo de da zanayîş ke îqtîdar bi girankerdişî dir rayîrê çareserî asteng keno û wina va: "Hêzêke wayîrê hêzî eşkeno vernî ro polîtîkayê şer bigîrê zî asteng keno. Îhlalkerdişê hepisxaneyan, kaos ro welat vejyayo meydan, krîzê ekonomî, KHK û heme çîyê şerî vejeno vernî bi tecrîdî dir eleqedar ê. Huqûq ameyo vindertiş. Tena xebitnayîşê îfadeyê tecrîdî, tecrîdê îmralî baş mojnayî ra. Uca de polîtîkayêke çinkerdişî yeno meşnayîş. Ma behsê çinkerdişê fîzîkî û fikrî kenê. Îqtîdar wazeno serdestîyê xo uca de awan bikero."

 

Ayşe bale ante serê weçînayîşî û va: "Vera ke ma qalê weçînayîşî bikerê, ma qalê şer û mercê bi asayîşê yê weçînayîşî bikerê. Ma asayîşê weçînayîşî de eleqedar benê. Seba ke ma şert û merc bêrê vurnayîş ma konê hewildayîş."