Melîke Aydin

 

ÎZMÎR - Hetê Komeleyê Tîyatroyê Hemverê Dêsî ra kaya bi nameyê ‘Suîkast’ yena kaykerdiş û vurnayîş û roşnbîyayîşê cinîyêke vana.

 

Komeleyê Tîyatroyê Hemverê Dêsî yê tîyatroyêke kolektîfî bi kayêke newe ‘Sûîkast’ dir serê sehne de ya. Kaye fîlmêke suîkastî ra goreyê tîyatro ameya amadekerdiş û kaya de hepsbîyayîşê cinî yê sîstemî de û têkoşînê aye yeno vatiş.

 

Serkaya ‘Sûîkastî’ Dîlek Bulute ke 5 serrî yo mîyanê komelî de ca gêna, derheqê kaya de şîrove kerde û dîyar kerde ke înan hewl dayo babeta muhafazakarî wextê peyînan de zêde bîyê qalî bikerê.

 

'Ganî hemverê zîhnîyetî têkoşîn bêro dayîş'

 

Dîleke qiseykerdişê xo de va amanc karekterê sereyîn o yo ke domanê ke xeyalê înan estê biresnê û wina va: "Lazimî piştdayîşê ekonomî esto. Taxê yê zerrîwaşteyî dersan danê. Amancê înan o yo ke kesê hukmat serê bikşê, la na ferq kena û vana ez bikşî ez nêeşkena biresî çareserî. Ganî ez hemverê zîhnîyetî têkoşîn bikerî."

 

Dîleke bale ante serê esasêke bîn yê girîng ê kaye û va kaya de sîstemê ke neslê kole resnena zî yenê rexnekerdiş û heto bîn ra zî bi rolê ke cinîyan rê ameyê barkerdiş, bale ancenê serê cinîyê ke 'sey camêrdan têgeyrenê."