COLEMÊRG - Vaşê bi şîfa yê nîçikê koyan ra yenê serê sifrayan, hetê cinîyan ra yenê komkerdiş û anê verê destê kesê ke bajaran de cuwîyenê.

 

Cinî sey her serre bi ameyîşê wisarî dir koyan ra tewirê vaşê bi şîfa vejyayê kom kenê. Semedê qedexeyê zozanan, cinî cayê ke eşkenê biçînê, şinê û bi kedêke pîl vaşê bi şîfa kom kenê û nê tewirê vaşî serê sifreyan de ca gênê. Gever de koyê Esendere, Serdeş û Mesken, kereng, siyabo, çîrîş, çax, helîs û xeylê koyê bînan ra yenê komkerdiş. Cinî serê siba ra yenê têhet, kamyonan rê espar benê û vejênê nîçikê koyan.

 

Vaşê ke anê qeza zî serê tezgehan cayê xo gênê û yenê rotiş. Uca de zî reyna tewr zêde eleqe mojnenê ra cinî yê. Cinîyê ke eleqeyêke pîl mojnê vaş û hem zî seba werdiş û hem zî seba penîr xebitnenê kom kenê.