ENQERE - Pispora Rojhelatê Mîyanên Hamîde Yîgîte dîyar kerde ke hêrişê hemverê Sûrîye zêde çîyêk nêvurneno û wina va: "Prosesê muzakere de hemverê Soçîyî wextê ferzkerdişê Cenevre yeno. Ameyoxê şarê Sûrîye do şarê Sûrîye dîyar bikero. No her ke şino zelal beno.

DYA, Îngîlîstan û Fransa de hemverê hîn nukteyê Şam, Hama, Humus, Dera û Suveyda yê Sûrîye hêrişê hewa kerdî. Pispora Rojhelatê Mîyanên nuştoxe Hamîde Yîgîte nê çî va.

'Îngîlîstan û Fransa îlan kerd ke lîsteyê esas de ca gêno'

Hamîde dewamê qiseykerdişê xo de da zanayîş ke hêriş goreyê huqûqê mîyanneteweyî nîyê û mudaxaleyêke emperyalîst o û wina va: "Nê hemverê qanûn û dadgehê cezaya mîyanneteweyî yê. Sucê şerî yo. Netîce de merdim gerek nîyet biewno. Nîyet o yo ke Îngîlîstan û Fransa de şerê Sûrîye ya zî Rojhelato Mîyanên de lîsteyê esas de ca girewtê. Mesajê 'Ez zî no plan de ya' danê."

'Hewl danê împaratorîyê dinya kam o bimojnê'

Hamîde da dewamê qiseykerdişê xo de wina va: "Destê înan de tena ekîbêke seba şer awan bikerê xebityenê estê. Hewl danê serê înan delîlan viraznê. No rewa nîyo. Heto bîn ra zî no mesajî danê dinya; Hema zî hewl danê bimojnê ke împaratorîyê dinya kam o û no zî tersê awankerdişê împaratorî kenê."

'Wextê ke hemverê Soçî, ferzkerdişê Cenevre yeno'

Hamîde dîyar kerde ke 2015 ra heta nika pêrosesêke averşîyayîşê Sûrîye yeno cuwîyayîş û demêke wina de caardişê hêrişan zêde çîyêk nêvurneno û wina va: "Ma mudaxale de zêde çîyêk nêvurnenê. La prosesê muzakere de merdimî eşkenê vajê ke hemverê Soçî, Cenevre ferz kenê. Ameyoxê Sûrîye şarê Sûrîye dîyar keno. No her ke şino zelal beno. Kurd, Ereb, Sûryanî û yê bînî prosesî de ca gênê. Aktorê teberî bi qasê pêşengî kenê do prosesî de ca bigîrê."