Safiye Alagaş

 

AMED - Baglar de camêrdo bi nameyê Cîhat S. domana 8 serrî îstîsmar kerd û dimayê ke domane dayîke xo ra va, dayîka aye A. bi hemwelatîyê taxe dir gumanbar dî. Hedîse sey xesp çapemenî de vejya, ame zanayîş ke sucê 'îstîsmarê domanan' 3 serrî heta 8 serran ceza yena waştiş.

 

9ê Êlule 2017 Baglarê Amedî de camêrdo bi nameyê Cîhat S. domana 8 serrî îstîsmaro zayendî kerd. Domane pawitişê cewherî kerde û Cîhat S. ra xelisya. Domane şî keye û dayîke xo ra va. Keyeyê domane û hemwelatîyê taxe eşkalê gumanbarî dayî û vatî ke kam dî wa zanayîş bidê. 11ê Êlule de hemwelatîyan gumanbar Cîhat S tepişnayî. Cîhat S teslîmê polîsan ame kerdiş û rojo bîn eşrawitî hepisxane. Îdianameyê Serdozgerîya Komara ya Amedî amadekerdişê, Cîhat S. qebûl keno domane desteser kerdo la sûcê îstîsmarî qebûl nêkerdo.

 

Dozgerîye dîyar kerde ke Cîhat S. bi hîle hewl dayo ke domane biko awanî û va gumanbar 'sucê îstîsmaro zayendî' kerdo. Îdiaaname hetê 7in Dadgeha Cezaya Giran ya Amedî ra ame qebulkerdiş.

 

Têkoşînê dayîke gumanbar vet meydan

 

Domane û dayîke beşdarê roniştişê yewin nêbî û gumanbar Cîhat S. yo hepsî yeno muhakemekerdiş riniştiş de amadebi. Cîhat S. sucdarî qebul nêkerd û îdia kerd ke seba şaşîyêke hetê hemwelatîyan ra ameyo derbkerdiş û serê hedîse ra mat mendo. Dayik A. ke beşdarê roniştişê diyîn bî dîyar kerde ke seba psîkolojîyê domane aye xira nêbo nêana roniştiş. Heyetê dadgehe derheqê gumanbar de 3 serrî heta 8 serrî cezaya hepsî waşt. Muhakemekerdiş dewam keno.