Evrîm Kepenek

 

STENBOL - Edîtorê rojnameya Evrenselî Çagri Sari ke derheqê aye de xeylê dewa ameyê akerdiş, dîyar kerdî ke wexto ke xeberan weşanenê sansur bi ca la prosesê huqûqî dayê verê çiman û va: "Ganî munaqeşeyê ke tena ê nasan nê ganî heme rojnamegeran hepisxanan ra vejê bêrê kerdiş."

 

Goreyê raporê emsar yê Komîteyê Pawitişê Rojnamegeran,Tirkîya de tepiştişê rojnamegeranê hepsîyan de rêze yewin de ca gêna. Goreyê dayeyê Platformê Rojnamegerîya Xoser yê P24 zî Tirkîya 150 rojnamegerê hepsî bendeyê azadîya xo yê. Tewr peynî zî TMSFî dest da ser Rojnameyê Ozgurlukçu Demokrasî û Gun Matbayî û xebatkarê rojname Reyhan Hacioglu û Hîcran Urun zî mîyan de xeylê xebatkarî ameyî tepiştiş. Edîtora ETHAyî Semîha Şahîn û muxabir Adîl Demîrcî û Pinar Gayîp zî hema tepişnaye yê.

 

Rojnamegerê teberî zî hetêke seba meslegdarê înan bêrê veradayîş têkoşîn kenê û heto bîn ra zî dewayê derheqê înan de ameyê akerdiş de mesleke xo pawenê. Yew nê rojnamegeran ra Çagri Sariye belgeyê sey ‘Paradîse Papers’ ameyne namekerdiş û o wext Mudirê Karê Nuştişê yê Berpirsîyarê Evrenselî bî. Derheqê nê xeberanê Çagri de heta 6 serran ceza amî waştiş û yewin roniştişê Çagri ewro ro Edliyeyê Bakirkoyî de yena vînayîş. Dozgerîye Komara ya Bakirkoyî bi sebebê ‘heqeret’ û ‘îftereyan’ heta 6 serran ceza waşt û derheqê Çagri de cezayê hepsî yê tesdîq bîyê zî estê.

 

‘Êdî şaş nêmanena'

 

Çagri dîyar kerde ke aye êdî hemverê ci dewa yenê akerdiş de mat nêmanena û va seba dewa înan rê yena akerdiş, ê fek weşanayîşê xeberanê xo ra vera nêdanê la ma fikrîyenê ke ‘bi huqûqî verê ke ma ceza bigîrê ma senîn eşkenê xeberan weşan bikerê.'

 

‘Her xebera ke ez viraznena hêvî esta'

 

Çagri da zanayîş ke tepiştiş, tewqîfkerdiş, kar eştişê rojnamegeran êdî ameyo merheleyêke xidar û yew parçeyê vurnayîşê welatêke rojnamegerî ra yo û wina va: "Ez wina fikrîyena ke no welatî de rojnamegerî xeylê çîyan vurnenê. Ez bi nê fikrîyayîşan vana her xebere de hêvî esta, ameyox esta, çinbo ez nêeşkena boya xo bigîrî,"

 

‘Ez têkoşîn nêkerî embazê mi nêeşkenê vejyê'

 

Çagri tewr peynî wina va: "Ma xeberê rojnamegerê hepsîyê nêweşan viraznenê, xeberê xebatkarê matba viraznenê. Nê merdiman bêzar kenê. La ma nêeşkenê vajê ke ma xeberan nêviraznenê. Ez wina bifikirî ez nêeşkena muxabirîya ETHA Pinare binê çiman ra vejî. Ganî ma verê ke moralê xo xira bikerê, ma têkoşîn bikerê." Çagri heto bîn ra vengdayîşê piştdayîşî kerde û va ganî pawitişê rojnamegerîyêke komî bêro kerdiş.