WAN - Remziye Bora ke kêna aye Newale pîzey ci de bî, hetê polîsan ra eştişê serê keyeyî de amî qetilkerdiş û serê qetilkerdişê aye ra di serrî derbaz bi. Remzîye wedarnabî nêweşxane û bebeke aye nêweşxane de amî dinya û uca de cuya xo vinî kerde. Derheqê dosyaya Remzîye de qerarê ‘Lazimê taqîbkerdişî çin o' da. Avûkatan îtîrazê qerarî kerdî la 9 aşmîyo cewab nêameyo dayîş.

 

Taxa Xaçortê Îpekyolê Wanî 19ê Nîsana 2016 de polîsê tevgerê taybet eşt serê keyeyî û Remziye Bora 7 aşmî digane bî amî qetilkerdiş. Remzîye Bora 7 aşme digane bî nêweşxane de 17ê Gulana 2016 de cuya xo vinî kerde. Bebeka aye Newale zî bi sezeryan ci ra girewtî û senîn amî dinya bê dayîke mende. Mêrdeyê Remzîye, Îrfan Borî zî pêwa ke wextê hedîse keye de çinbi zî bi îdiayê ‘endamîya rêxistine' rastê 7 serrî û 6 aşmî ceza amebi. Newale pîyê xo nêweşxane de dî.

 

'Pêwa ke va 'ez digane ya' zî dayî piro'

 

Pêwa ke serê hedîse ra di serrî derbaz bi zî dosya de averşîyayîş nêvirazya. Kiymet Abî ya ke torne xo Newale rê ewnîyena va: "Dejê ma hîna zaf teze yo. Heta ke kiştoxê aye nêrê vînayîş, ma do rehet nêkoyê ra. Dewleta ke hêzê aye qîmê heme çî kena, vînayîşê kiştoxê kêna mi de bê çare manenê." 

 

Kiymete dewam de va yewin waştişê înan edalet o û roja hedîse wina va: "Roja hedîse Remzîye tena keye de bî. Kuçeyê ke pêrodayîş virazyayne di kuçe pey keyeyê Remzîye de bi. Ma nêzanê ke hedîse senîn bandure keyeyê Remzîye kerdo. La şahidî vanê polîsê tevgerê taybet eştê serê keyeyê Remzîye û gulevaran kerdê. Remzîye vana 'vinderê ez digane ya' la pêwa nê vanê ti bombaya gane ya û gulevaran kenê. Polîs bi saetan kesî nêzdîyê keyeyê aye nêkerd û verê çiman de kêna mi terkê mergî kerdî. Kêna mi bi birîndarî ardê war. Kêna mi bi gule nêmerda, bi îşkencê merde."

 

‘Qe nêbo wa pîyo xo nas bikero'

 

Kıymete ard ziwan ke nêweşxane de nêverdayê mêrdeyê aye Îrfan bêro verê Remzîye û wina va: "Ma edalet wazenê. Wa kiştoxê kêna mi vejyê meydan. Pêwa ke Îrfan keye de nêbi 7 serrî û 6 aşmî ceza dayê. Qe nêbo wa Newale bê pîyê xo pîl nêbo."

 

Avûkatê Remzîye dayê zanayîş ke bi di serrî yo dosya de averşîyayîş çin o û vatî: "Serdozgerîya Komara ya Wanî tewr peynî qerarê ‘lazimê taqîbkerdişî çin o' day ser dosya. Dima ra qerar rê ma îtîraz kerd. La 9 aşmîyo derheqê îtîrazî de qerarêke nêame dayîş."

 

Avûkatan dîyar kerdî ke pêwa kiştox dîyar ê, çîyêk nîno kerdiş û hetê muhakeme ra yenê pawitiş û vatî do taqîbkerdoxê dewa bê.