Dîlan Babat

 

COLEMÊRG - Cinîyê ke wazenê warê îstîhdamî awan bikerê û rastê xeylê astengîyan yenê, hetêk ra zî hewl danê ke binê krîzê ekonomî ra vejyê. Esnafê cinî dîyar kenê ke têkilîyê ci şerî dir esto û vatî feqîrî her ke şino zêde beno.

 

Tirkîya û Kurdistan de dimayê teşebusê derbeyê 15ê Temmuza 2016 dir bi îlankerdişê OHALî ra dima krîzê ekonomî roj bi roje pîl bi. Selahîyetdarê hukmatî her wext vanê krîz çin yo û na rewşe nêwazenê ke eşkera bikerê. Yê ke tewr zêde krîz ra bandure bîyê cinî yê. Esnafê cinî yê Colemêrgî dîyar kenê ke ê bi krîzêke kûr dir rî bi rî yê.

 

'Ez nan bi vayîyêke kêm dana'

 

Ferîde Evrene dîyar kerde ke seba azadîya ekonomîya xo heta nika xeylê karî de xebityeya û keyeyê tenûre ke di serrî verê qeza de akerda pê debara xo kena û va wextê peyîn de vayîyê nanî zî visto û wina va: "Bi serran o xebityena. Mi qetî krîzêke wina kûr nêdî. Nika esnafî ver bi girewtişî de yê. Krîz bandurêke pîl serê cuya ma de kerd. Ewro kes nêeşkeno çîyêk bigîro. Kes nêwazeno pereyê xo xerc bikero."

 

'Pêwa krîz ez do bixebityî' 

 

Ferîde dewam de da zanayîş ke yê ke tewr zaf krîz ra bandure benê cinî yê û wexto ke winî beno cinî dest îstîhdamê xo ra vera danê. La do dest berardiş ra vera nêdê.

 

'Krîz heta zereyê keyeyî şîyo'

 

Sevgî Gunduze zî bale ante bandurê krîzî yê şarî ser û wina va: "Gever qezayêke nêzdîyê sînorî yo. Merdim debara xo bi dayîş û girewtiş ser sînor kenê. Ewro kes nêeşkeno bazirganiyan sînor bikero. Kesê bi bazirganî dir mijûl benê feqîr bîyê. Krîz tena bandure ser esnafan nêkerdo, heta zereyê keyeyan keno. Wina dewam bikero her kes do dikanê xo bigîrê."