Rojda Aydin

 

AMED - Taxa Selahattînî qezaya Farqînî de mîyanê awanîyêke tarîxî de cinîya bi nameyê Aysûn Bozkurt kafeyêke akerd. Aysûne va ke kafeteryaya ke akerda warê ke altarnatîf a û nika ra xeylê bale cinîyan ancena.

 

Taxa Selahattînî qezaya Farqînê Amedî de Aysûn Bozkurta ke cinîya yewin dest bi xebate kerda. Aysun Bozkurte va kafeteryaya ke akerda xo sey alternatîf vînena dîyar kerde ke nika ra xeylê bale cinîyan ancena. Aysûne va ke yeno waştiş cinî keye de bêrê hepskerdiş û wina va: "Zihnîyetê camêrdan wazeno ke cinîyan keye de bigîro û her çalakîyê komelî ra dûr bifîno. Mi zî sey alternatîf seba cinîyan kafeyêke akerda û cinî eleqeyêke pîl mojnenê kafe."

 

'Ez warê xo Farqîn ra zaf hes kena'

 

Aysune dewamê qiseykerdişê xo de va ke 12 serrî de dest bi kar kerda û Farqîn ra visyaya. Aysûne da zanayîş ke dimayê 9 serran seba ke bêrîya herre xo kerda ageyraya serê herre xo Farqînî. Aysune ard ziwan ke kulturê serê herra xo ra zaf hes kena û wina va: "Ez Farqîno ke warê min o zaf hes kena. Seba ke mi bêrîya herre xo kerde ez reyke bîn zî ageyraya Farqîn.”

 

'Mi mojna ra ke cinî eşkenê her karî bikerê'

 

Aysûne dewamê qiseykerdişê xo de wina va: "Mi na kafe tena sebe pere qezenç bikerî nêkerda a, mi seba cuyake kolektîf zî akerda. Zîhnîyetê camêrdan wazeno ke cinîyan komelî ra dûr bifîno. Keye ra bigî û her çalakîyê komelî dûr bifîno. La mi kafeyêke akerde û cinîyan zî eleqeyêke pîl mojna ra. Dima ra ma cinîyan piştdayîş û hêz da yewbînan û ma hêzê xo xurt kerd. Wexto ke mi newe kafe akerd reaksîyonê negatîf hemverê mi ameyî mojnarayîş. La mi karê xo dewam kerd û tu kes nêeşkeno îradeyê mi bişikno."

 

Aysune peynîye qiseykerdişê xo de va ke aye seba xo rê alternatîfêke awan bikero tu hetkarî keyeyê xo ra nêgirewto û arde ziwan ke ganî cinî heme hewl bidê ke seba xo rê alterantîfê newe awan bikerê û pê debara xo bikerê.