Gulîstan Azak

 

MELETÎ - Semra Ozdemîra ke Kuçeyê Hunerî yê Yeşîlyurtî de qursê 'çînî' aker û seba cinîyan warê îstîhdamî awan kena, veng da cinîyan ke bêrê bibê yew û pîya fikrê berarduşî û hunerî bi kede xo bîyarê têhet.

 

Semra Ozdemîra 27 serrî qezaya Yeşîlyurtê Meletî de kuçeyê Hunerî de qursê 'çînî' akerde û amanc kena ke seba cinîyan warê îstîhdamî awan bikero û va: "Mi karê çînî mojna xeylê cinîyan. Cinî xêrê qursî hetê xo yê nimte vetî meydan. Ganî cinî xeyalê xo bi hunerî dir bîyarê têhet. Xeyalê her cinîyêke a ya ke fikrê înan bêrê ca. Huner ancax destê cinîyan de eşkeno ca bêro."

 

'Hem perwerde hem qezencê ekonomî'

 

Semra ard ziwan ke cinî seba awanîyê xo awan bikero zaf piştdayîş nêvînenê û no semed ra problemê komelî cuyenê û wina va: "Labelê Tirkîya de cinî hetê camêrdan ra yenê hepskerdiş. Bi qursê ke mi akerdo hem perwer de dana cinîyan û hem zî hewl dana qezencê xo yê ekonomî bi ca bîyarî."

 

Semra tewr peyîn qiseykerdişê xo de va ganî cinî vajê ke ez eşkena bikerî û her wext xo aver berê.