MÊRDÎN - Cinîyê Mêrdînî dîyar kerdî ke ganî tecrîdê ser Rayberê PKKî Abdullah Ocalanî peynî bo û va do hemverê tecrîd û tedayan 24ê Hezîrane de serê sindoqan de bê.

 

Tecrîdê ser Rayberê PKKî Abdullah Ocalanî dewam keno. Cinîyê Mêrdînî dîyar kerdî ke yewin keso ke kaos peynî bikero Abdullah Ocalan o û ganî tecrîdê serê ey peynî bo.

 

'Eke aştî bêro waştiş gerek tecrîd bêro wedartiş'

 

Halîme Işike reaksîyonê xo yê hemverê  tecrîdê wina ard ziwan: "Sebebê rewşe nika ê welatî tecrîd o. Eke dewlete aştî biwazo, do ewil tecrîd wedarno. Ne verdenê keyeyî pêvînayîş bikerê û ne zî muracatan qebul kenê. O hepisxane heq nêkeno. Ey seba dinya aştî waşt. Ey edelat waşt.

 

Halîme heto bîn ra da zanayîş ke do weçînayîşê 24ê hezîrane de hemverê tecrîdî serê sindoqan de bê û do a roje bi hawayêke tewr baş îradeyê xo vejê meydan.

 

'Ganî tecrîd peynî bo'

 

Turkan Dunç zî da zanayîş ke Abdullah Ocalan tena seba Kurdan nê, seba heme şarê dinya têkoşîn kerdo û no semed ra zî hema tecrîdê serê ey dewam keno. Turkane ard ziwan ke ganî tecrîd bêro wedartiş û va  heta 24ê Hezîrane do bê mabêne bixebitîyê û a roje do sey şarê Mêrdînî serê sindoqan de bê.