ÎZMÎR - Nuştoxa rojnameyê Meydan Şeyma Çopure  tayînkerdişê qayûmî ê Rojnameyê Ozgurlukçu Demokrasî şîrove kerde û va hêrsê şarî zêde kerdo. 

 

Nuştoxa rojnameyê anarşîst ê aşman yeno vetiş Meydan, Şeyma Çopure girewtişê rojnameger, rojnameyan şîrove kerde û va nê polîtîkayê çinkerdişî yê û va qayûm tayînê rojnameyê Ozgurlukçu Demokrasî bîyo û no zî eşkera daw meydan.

 

'Ganî ma vengê xo bidê eşnawitiş'

 

Şeyma ard ziwan ke îqtîdar hemverê heme fikr û ewnîyayîşê cîya tedayan keno û bi taybet no zî wextê OHALî zêde bîyo û va: "Dewlete wazena her kes sey înan bifikrîyo. Yê sey înan nêfikrîyenê zî rastê hêrişan yenê. Çapemenî no semed ra rastê teda yena. Ganî ma tewr zêde vengê xo bidê eşnawitiş."

 

Şeyma dewamê qiseykerdişê xo de wina va: "Îzahatêke hetê dewlete ra yenê kerdiş, hetê çapemenî ra reya diyîn serdestîyê camêrdan mojneno ra. Zîhnîyetê camêrdan reyna kono cuwîyayîş. Hîn çapemenîyê muxalîf zî ziwanê camêrdan wey kenê. Na nuqta de rojnameyê Meydan înstiyatîfêke pîl girewto. Ma hemverê serdestîyê camêrdan ê û ma hemverê îqtîdarê camêrdan têkoşînêke pîl danê. Rojnameyê Ozgurlukçu Demokrasî seba rojnamegerîyê cinîyan biresno hemwelatîyan û aver şêro rolêke pîl kay keno. Wendekarê Ozgurlukçu Demokrasî tena nêwanenê, hemverê îqtîdarî ca gênê. Wexto ke no bêro çinkerdiş zî rastê hêrsê wendekaran yeno."