HATAY - Vejya meydan ke hepisxaneyê Tîpê M yê Îskenderun de hepsî bi sebebê Kurdî qisey kerdê rastê  îşkence ameyê.

Hepsîyê hepisxaneyê Tîpê M yê Îskenderun de manenê bi hemkarîyê keyeyê xo mesajêke eşrawitî û îşkenceyê ke ro înan rê yeno kerdiş qalî kerdî. Hepsîyan dîyar kerd ke teday vejyay merhalaya tewr cor û vatî ganî çîyêk bêro kerdiş û dîyar kerdî ke seba Kurdî qisey kerdê ameyê derbkerdiş. Hepsîyan vatî ke mîyanê roje de hema hema her wext rastê heqaretê gardîyanan yenê.

Mayêke dîyar kerde ke bi telefon lajê xo dir qisey kerda û wina va:"Semedo ke bi telefon qisey kerdêne nêeşkayne zêde çîyêk vajo. La senîn ro ma geyra va 'Şêrê muracatê sucî bikerê'. Hewteyê peyîn de hema hema her roje erzenê koxuşê înan û yenê derbkerdiş. Lajê reya peyîn telefon de va semedo ke bi Kurdî qisey kerdê ameyê derbkerdiş. Heto bîn ra hîrê hepsî zî no semed ra kerdê hucre û îşkence înan rê kerdê. Lajê mi va 'teda roj bi roje zêde benê, wa rêxistinê heqê merdiman û huqûqnasî çîyêk bikerê'."

Keyeyê hepsîyê Mêrdîn de cuwîyenê şî ÎHD yê Mêrdînî û muracatê sucî kerdî.