STENBOL - Sereka Pêroyî ya EMEPî Selma Gurkane derheqê weçînayîşê 24ê Hezîrane de qisey kerde û va hetê çep, sosyalîst û demokrat rewşa ‘ma se bikerê ma do vinî bikerê' vejyê û va: "Ganî no hukmvernî bêrê şiktiş. No bêhêvî awan keno. Ma bêhêvî eşkenê bi hêzê xo yê xoser bişiknê."

Sereka Pêroyî ya EMEPî Selma Gurkane ard ziwan ke ê weçînayîşê 24ê Hezîrane de piştdayîş danê HDPî û wina va: "Operasyonê tepiştiş û tewqîfkerdiş dewam kenê. Seba vernî ro sîyasetî bêro girewtiş nê yenê kerdiş. OHAL de şîyayîşê weçînayîşî hetê demokrasî de meşrûbîyayîşê ci çin o."

'Peyser antişê namzedîyê Abdullah Gulî krîzê sîyasî yo'

Selma dewam de da zanayîş ke heme îmkanê dewlete binê bicaardişê îqtîdarî de yo û wina va: "Muxalefet tu îmkan nêeşkeno bi ca bîyaro. Îqtîdar hukm çapemenîye seba xo xebet neno. Vernîya namzedîyê Abdullah Gulî ame girewtiş. Gelo merdim eşkeno senîn nê çî vajo? Ma nê şert û mercan de ma weçînayîş munaqeşe kenê."

 'Ganî krîtîkê demokratîk de bêrê têhet'

Selmaye tifaqê weçînayîşî şîrove kerde û va hêzê aştî û demokrasî waştî ke tifaqê demokratîk namzedêke hempar şêrê weçînayîş la nê nêame viraştiş û Selma va: "Lazimîyê no welatî bi çi esto? Ganî no bêro munaqeşekerdiş. Gerek krîterê demokratîk de bêrê têhet. Weçînayîşê parlamenterî bi qasê weçînayîşê serekkomarî girîng ê. Semedo ke sîstemê serekî veng vejo parlamento yo. No het ra HDPî ra dûr mendiş, çaresrî nîyo, verpay ci probllem o. Partîyê muxalefetî HDP beşdarê tifaqekî nêkerdî. La bê HDPî tifaq nêbeno."

Selma tewr peynî bale ante ser namzedîyê Selahattîn Demîrtaşo ke hepisxane de yo û va no namzedî hêvîya welatî yo û wina va: "Ganî no hukmvernî bêro şiknayîş. No bêhêvî awan keno. Ma do bêhêvî bi hêzê xo yê xoser eşkenê bişiknê."