MÊRDÎN - Nurullah Dogano ke Hepisxaneyê Hûmara 1ê yê Xarpêtî de maneno, bi sebebê selam dayo embazê xo ame derbkerdiş. Maya Nurullah Doganî, Torun Dogane dîyar kerde ke pêwa ke destûrê dozgerîye esto zî, nêverdenê bi lajê xo dir pêvînayîş bikero û vengdayîşê hîsgîrî kerde.

 

Nurullah Dogano Hepisxaneyê Hûmara 1ê yê Xarpêtî de maneno pêvînayîşê telefonê bi keyeyê xo dir dîyar kerd ke seba selam dayo embazê xo hetê gardîyanan ra ameyo derbkerdiş.

 

Nurullaho 17 serrî ceza ci rê ameyo birnayîş û bi 5 serrî yo hepsîyo, serrêke verê Mêrdîn ra surgunê Xarpêtî ame kerdiş. Maya Nurullah, Torun Dogane da zanayîş ke lajê aye rastê kuwayîşê xidar ameyo û bi rojan nêameyo serê hişê xo û va bi serrêke hucre de yeno tepiştiş û no prosesî de tena ey di rey dîyo. Torune da zanayîş ke her ke şinê pêvînayîş rastê vatişê 'cezaya ey esto şima nêeşkenê bivînê' yenê û va nêverdenê şêro verê kesî, kitab û rojname nêdanê ci.

 

'Pêwa destûrê dozgerî nêverdenê' 

 

Torune dewamê qiseykerdişê xo de ard ziwan ke pêwa ke dozgerî ra destûr seba pêvînayîş girewtê zî nêverdayê lajê xo dir pêvînayîş bikero û wina va: "Dimayê ke avûkat şi verê ey va rewşa ey baş nîyo. Seba îşkence bedenê ey xisarêke pîl dîyo. Semedo ke selam dayo embazanê xo derb werdo.

 

Torûne bêvengîya hemverê caardişê hepsîyan rexne kerde û va ganî kesêk bêveng nêmano.