STENBOL - Pîrebokê Kampusî dîyar kerdî ke do weçînayîşê 24ê Hezîrane de xeta têkoşînê awan bikerê û va: "Ma veng da heme cinîyan ke tena 24ê Hezîrane de nê, 25ê Hezîrana ke bena destpêkê cuya newe, xo birêxistin bikerê."

 

Pîrebokê Kampusî ke unîversîteyan de xo bi rêxistin kenê, dîyar kerdî ke ê do weçînayîş de piştdayîş danê polîtîkayê ke piştdayîş danê cinîyan. Pîrebokê Kampusî Îpek Karanfîle da zanayîş ke Tirkîya de proses rew aver şino û îqtîdar weçînayîşê rew wext sey çareserî dîyo û wina va: "Weçînayîş de kesê Tirkîya de cuwîyenê sozê çareserî nêdanê. Bêguman ma do heqê xo yê demokratîk rayanê xo bixebitnê. Ma do bixebityê. La ma hîna zêde xebatê xo rêxistinkerdişê 24ê Hezîrane ra wetayîr, rêxistinkerdişê 25ê Hezîrane yo.”

 

 'No îqtîdar êdî meşrû nîyo'

 

ipeke da zanayîş ke AKP bi weçînayîş hedef keno ke cayê xo bipawo û nê çî vatî: "Ê sey verê vanê bi fen û kayan bêrê serê îqtîdarî. La ê zî zanê ke êdî meşrû nîyê. Heta eşkenê wa bidiznê la ma cinî hetê înan nîyê û nêdanê înan. Ma sey cinîyan polîtîkayê azadî newe ra nuştê. Ma veng danê heme cinîyan ke 24ê Hezîrane ra dima 25ê Hezîrane do bibo destpêkê cuya newe ma do xo rêxistin bikerê. Ma do sey cinî têkoşînê xo dewam bikerê."

 

Endama Pîrebokê Kampusî Dîlan Îpeke zî ard ziwan ke prosesê weçînayîşî de xeta têkoşîn û xebate awan bikerê û va veng danê heme cinîyan ke waran de têkoşîn bikerê û xeta têkoşînî awan bikerê.