ENQERE - HDPî bernameyê xo yê kampanyaya weçînayîşê 24ê Hezîrane de virazyo dîyar kerd.

 

Dimayê eşkarekerdişê qerarê weçînayîşê rewî ke do 24ê Hezîrane virazyo startê xebatan zî ame dayîş. HDPî zî bernameyê weçînayîşî dîyar kerd û 13ê Gulane de roja yewşeme bi eşkerakerdişê Danezanê Weçînayîşê Namzedîyê Serekkomarî lez bikero.

 

Bernameyê kampanyaya weçînayîşî yê HDPî wina yo:

 

1 –Muracatê Heyetê Weçînayîşê Berz (YSK) 21ê Gulane de virazyo. Dewam de;

 

a- Kombîyayîşê nasnayîşê namzedê cinî ro Enqerî, xebardarîya Danezanayîşê Weçînayîşê Cinîyan.

 

b- Kombîyayîşê beşdarbîyayîşê namzedan.

 

2- Mabêne 15ê Gulane û 14ê Hezîrane de aşma Remezanî de do xebatê kampanyaya weçînayîşê bêrê meşnayîş. Na çarçewe da mîtîngê weçînayîşî û akerdişê buroyan, serdayîşê esnafan, serdayîşê bazarê taxe, bernameyê fitarî yê rîyê erdî, muracatê park, kahwe û keyan.

 

3- Prosesê aşma Remezanî de muracatê girseyî yê goristanan, yê keyeyan û şarî dir pîrozkerdişê roşanî.

 

4- Sere de Amed, Êlih, Wan, Stenbol, Îzmîr, Mersîn û heme bajaran do buroyê weçînayîşê cinîyan do bêrê akerdiş.

 

5- Merkez û qezayan de akerdişê standan.

 

Seba kampanyaya 'semedê 200 hezar sindoqan 200 hezar cinî' vengdayîş

 

Endama HDP MYKî Bedîsa Akkaya derheqê prosesê weçînayîşî de qisey kerde û dîyar kerde ke ê sey Meclîsê Cinîyan ê HDPî derheqê weçînayîşan de kampanyaya ‘200 hezar sindoqan, 200 hezar cinî' dayê destpêkerdiş. Bedîa veng da heme cinîyan ke wayîr kampanya vejîyê.