AMED- Pasûrê Amedî de camêrdo bi nameyê  Nîzameddîn E. domanêke îstîsmar kerdib û bi pawitişê cewherî ê domane amebi girewtiş. Nîzameddîno ke 17 serrî cezaya hepsî ro ci ame birnayîş verê zî Çewlîkî bi hedîseyêke wina dir amebi hukmkerdiş.

Pasûrê Amedî de domana 17 serrî ke rayîrê mabêne dewe û qeza de rayîra şîne, hetê camêrdo bi nameyê Nîzameddîn E (38) ra amî vindernayîş,  wesayît rê amî esparkerdiş û îstîsmaro zayendî ci rê kerd. Domane pawitişê xo cewherî kerde û Nîzameddîn E. nêzdîyê keyeyê xo berde û rema. Domane şî keye derheqê Nîzameddîn de gerre kerde. Dima ra Nîzameddîn ame tepiştiş û dimayê îfadeyê şahidan ame tepiştiş.

Serdozgerîya Komara ya Amedî de derheqê Nîzameddîn de sûcê ‘îstîsmaro zayendî ya domane',  ‘kese hurîyeta aye ra bêpar verdayîş' îdianame amade kerd. Îdianame hetê 3in  Dadgeha Cezaya Giran ya Amedî ra amî qebulkerdiş.

Dadgehe bi pêroyî 17 serrî ceza ro gumanbar birna. Vejya meydan ke Nîzameddîn 2013 de zî îstîsmaro zayendî Yewin Dadgeha Cezaya Giran ya Çewlîkî de ameyo hukmkerdiş.