AMED- Cinîyê Amedî dîyar kerdî ke parlamenterê înan hepisxaneyan de yê û binê OHALî de şinê weçînayîşan û wina vatî: "Reng û seknê cinîyan dîyar o. Wa wayîr rayanê xo vejyê.

Cinîyê Amediyîjî dayî zanayîş ke qerarê weçînayîşê rew bandure serê înan de nêkerdo û va xora dîyar o raya xo danê kamî û do cewab bidê kesê ke îradeyê înan kerdê hepisxane.

Hemsereka Şubeyê Egîtîm Senî yê Hûmara 2yîn Amedî Fatma Budak Gulere ard ziwan ke qerarê weçînayîşî rew îlankerdişê vidîkerdişê polîtîkayê hukmatî yo û wina va: "Polîtîkayê şer û krîzê ekonomî yê zêde bîyo zî bandurêke pîl serê komelî de kerdo. Şar êdî bi polîtîkayê şer yê hukmatî nê û ne zî bi vatişê 'ekonomî girs bena' bawer kenê. Wa AKP fek xapênayîşî vera bido. Merdimî êdî her çî zanê."

'Tewr zêde cinî OHALî ra bandure bî'

Fatma dewam de va welat hetê yew kesî ra bi şert û mercê OHALî dir yeno îdarekerdiş û da zanayîş ke ameyox û hêvîya no welatî destê cinîyan de yo û va ganî cinî wayîrê rayanê o vejyê.

'Ganî ma rîyê înan îfşa bikerê'

Songul Kelekçîere zî da zanayîş ke weçînayîşê serdegirewtiş kayêke sîstemî yo û nê çî ardî ziwan: "Gerek şarê ma nê kayê lêşinan bivîno. No semed ra ganî ma rîyê rast ê sîstemî îfşa bikerê. Ez sey cinîyêke ez do bêveng nêmanî. Şima zî bêveng memanê. Rastîyan biqîrê."

'Ganî cinî wayîrê sindoqan vejyê'

Wendekara Sosyolojî yê Unîversîteya Dîcle, Dîcle Kaya zî derheqê weçînayîşî de şîrove kerde û va ke ganî 24ê hezîrane de vindertişêke hetê demokrasî ra bêro mojnarayîş û ganî bi taybet cinî wayîrê sindoqan vejyê.

Yuksel Boçkune zî tewqîfkerdişê Selahattîn Demîrtaşî ard vîr û va nika namzed o û şert û mercê adîlane de weçînayîş nêvirazêno û ganî bilezgînî îradeyê şarî serbest bêro veradayîş.