ÎZMÎR - Dayîka Emîne Demîrcî ke hetê mêrdeyê xo Mustafa Demîrcî ra amî qetilkerdiş, Ayten Unturke dîyar kerde ke aye roja dayîkan de wazena verê domananê xo de bo û înan bikero xo verike û wina va: "Ez şîrî ça aye vînena. Mi bêrîye kêna xo kerda. Destûr danê kiştoxî kuçeyan de bigeyrê. Do kam edalet bi ca bîyaro?"

 

Her serre hewteyê yewin ê Gulane de afîş û bîlboardan de fotografê  dayîkan û tabloyê kêfweş yê keyeyan ca gênê. No hewteyî de girewtiş û rotiş vejêno  merheleyê tewr cor. La rastî de problemê dayîkan xeylê zêde yo. Dayîka Emîne Demîrcî ke hetê mêrdeyê xo Mustafa Demîrcî ra amî qetilkerdiş, Ayten Unturke dîyar kerde ke wa heme dayîkî roja Dayîkan de domananê xo bikerê xo verike.

 

Aytene dîyar kerde ke kiştixo kêna aye Mustafa Demîrcî hetê dadgehe ra yeno  pawitiş û va şar ziwanê huqûqî fam nêkeno û wina va: “Dadger û dozger qisey kenê la ma çîyêk  fam nêkenê. Ez avûkatî ra pers bikerî roniştiş ra visêno. Nika rapor ame. Rapor de vano qestî kiştê. Hema zî mi fam nêkerdo. Gelo ganê merdiman hende erjan o. Mi a kêna pîl kerde. Çi heqê ey estbi ganê kêna mi biveşno, bikişo."

 

'Wazena domanê xo bikerî xo verike'

 

Aytene da zanayîş ke aye wazena roja Dayîkan de kîşte domananê xo de bo û înan bikero xo verike û wina dewam kerde: “Ez her ca de çimê xo geyrnena gelo kes nêşibyeno kêna mi. Kuçe de her ca de ez ro ci geyrena. Mi bêrîya kêna xo kerda. Do senîn kêna mi bidê mi. Qe nêbo wa kiştox vera nêdê. Seba tewr kesan bikşê vera danê. Dadger zî nêeşkayne rîyê mi biewnê. Serbest veradayîş, kiştişê zemînê remnayîşî amade keno."

 

'Do key edalet bi ca bîyarê'

 

Aytene tewr peynî qiseykerdişê xo de da zanayîş ke do roniştişê 18ê Hezîrane de virazyo û va: “Bawerî bi edeletî nêmend. Do kam edelet bi ca bîyaro? Destur danê  kiştixon ke serbest bigeyrê.”