ŞIRNEX - Cinîya hemserekê Meclîsê Şarî Mehmet Tunço ke bi sembolê xoverdayîşê îradeyê xoser ê Cizîre, Zeynep Tunçe wina va: "Yê ke ameyî serê herre ma û domanê ma kiştî, keyeyê ma veşnayî yenê rayan wazenê. Wa baş bizanê ke heta ma bicuwîyê sindoqê înan rê ray çin o." Dayîka Mehmet û Orhan Tunç, Esmer Tunçe zî va 'seba Erdogan tî ya de ray çin o'.

 

Keyeyê îdareyê xoser yê Cizîre de merdimê xo vindî kerdê, vengdayîşê wayîrvejyayîşê rayan her kesî rê kerdî.

 

Cinîya hemserekê Meclîsê Şarî Mehmet Tunç ke bi vatişê ‘Do Cizîre sere nêtewino bi ma serberz bê' hema zî hişan de yo, Zeynep Tunçe dîyar kerde ke AKP amadekarîyê weçînayîşê rew de amadekarîyê diznîşê vengan zî û wina va: "Yê ameyî ser herre ma û domanê ma kiştiş, keyeyê ma veşnayê yenê rayan wazenê. Wa nê baş bizanê ke, heta ma bicuwîyê sindoqanê înan ra ray çinê. Bila her kes wayîrê sindoqan vejyo. Seba ray nînê diznayîş ganî her kes zaf baldar bo. Çi destê ma bêro ma bikerê. Botan do qetî vindî nêkero."

 

'Do hewl bidê bi dizî qezenc bikerê'

 

Dayîka Mehmet û Orhan Tunçî, Esmer Tunçe zî da zanayîş ke no prosesê ke teda xeylê zêde yo, caardişê weçînayîşî de adîlane yo û veng da her kesî ke wezîfeyê xo bi ca bîyarê û va: "Rayê ke nêeşkenê şar bigîro, hewl danê bi dizdî qezenc bikerê. Bi veşnayîşê keyeyan, şehîdkerdişê domanan nêeşkenê ma bitersnê. No zî ma tewr keno wayîrê hêrsî.”

 

'Erdoganî rê tîya rê ray çin ê'   

 

Esmere dewam de wina va: "Ters, zulm û teda qetî şarê Kurdî nêdo vindîkerdiş. Ma rojê zehmet derbaz kerdî. Ma bedel da. Keyeyê ma veşnayî, ganê domananê ma girewtî, çîyêke nêkerdî nêmend. Nika zî weçînayîş kenê. Ê vanê ters do Kurdan nêbero serê sidnoqan. Bi destûrê Homa ma do nê zî derbaz bikerê. Wa her kes, domanê ma yê ganê xo dayî bîyarê xo vîr û rayan bixebitnê. Erdoganî rê tîya ra veng çin o.

 

‘Bodruman bîya rê xo vîr'

 

Berîvan Edîna bodrumê Cizîre de cuya xo vinî kerde ke ê çîyê cuya qetî nêkerê xo vîr û wina va: "Wexto ke camêrdê mi merd ez hîrê aşmî digane bîya. Mi hîrê hewteyan erey doman ardî dinya. No semed ra rojê zehmet ez cuwa. Wextê ke lajê mi ame dinya, pîyê ci çinbi. Ganî ma nê weçînayîşî de bibê yew. Rayanê bi torbeyêke  maqarna meroşê. Cizîr de her keyeyêke ra kesêk merd. Ganî tîya ra rayî înan rê çinbo."