OSMANIYE - Hemşaredara Pasûrî Sadîye Suer Baran ya tewqîfkerdî îhlalkerdişê heqan yê hepisxaneyê Osmanîye qalî kerde. Sadîye va avûkatî zî nêeşkenê şêrê hepisxane û ê tena verdayê û wina va: "Eke wayîr ro ci nîno vetiş do tewr zêde xira bibo. Tîya rûmetê merdiman binê lingan de yo."

 

Hemşaredara Pasûrî Sadiye Suer Barana ke hepisxaneyê Osmanîye de manena, îhlalkerdişê heqan yê hepisxaneyî bi hemkarîya JINNEWSî qalî kerde.

 

'Dekewtişê hepisxaneyî de îşkence'

 

Sadîye arde ziwan ke 20ê Nîsane de ê berdê Osmaniye û senîn hepisxane ra vetê, berdê wesayîtê rîngî rastê tacîzê vatişî yê gardîyanan ameya û wina va: "Gardiyanê cinîyan va ‘şore wa Osmaniye  bîyarê serey to'. Senîn şîya Osmanîye mi berdî odayêke qij û vatî ke xo viran bikere. Ez hemverê nê çî vejyaya û serê mi de ameyî. Mi va 'şima mi bikşî zî ez xo viran nêkena'.  Munaqaşa vejya û vendayî gardîyanê camêrdan. Înan zî va çare çin o ganî xo viran bikero. Gerdîyanê cinî mi mecbur kerdî. Dimayê ke mi viran kerdî vatî ‘wirze bişne ro, wirze bişne ro'. Ez hemver vejyaya na rey zî bi doktor mi tehdîd kerdî. Hacetê mi, bincilê mi heme binê muşahedeyê gardîyan de kontrol kerdî. Ez hemverê nê vejyaya, camêrdan rîyê xo da heto bîn.

 

‘Her roje ma rastê hêrişan yenê’

 

Roje de hîrê rey hûmartiş kenê. Bi milê ma de gênê û bi zor benê hewdank. Ma koxuşe de çar embaz ê. Ma her roje bi hêrişê fîzîkî û vatişê yê gardîyanan dir yenê rî bi rî. Nika 11 rojî cezaya mi yê hucre esta. Aşmêke pêvînayîşê bi keyeyî dir, aşmêke heqê xeberdarî û aşmêke zî qedexeyê bernameyan esto.

 

Tehdîdê ‘ma do heyf bigîrê'

 

Embaza mi Helîn Yapici ke dosyaya Sûrî ra tewqîfkerdeya, serrêke qedexeyê pêvînayîşê aye esto. 57 roj cezaya hucreyê aye esta. Melîs Teksana ke dosya Nisêbînî ra tewqîfkerde ya serrêke bi keyeyê xo dir nêeşkena pêvînayîş bikero. Hema serrêke aye zî esto. Leyla Elmase zî serrêke cezaya pêvînayîşê aye û cezaya aye ê hucre esta. Embazê uca ra verê ke ez bîrî tewqîfkerdiş vatê ‘Şima do hêzê Tirkan bivînê, ma do heyf şima ra bigîrê.

 

‘Avûkatî nînê'

 

Ez akerde vajî; êdî nêwazena tena koxuşe ra vejyî. Ma pîya seba revîrî yenê nuştiş. Hemverê nê caardişan avûkatî nînê rewşe nêpersenê. Embaz tena ameyî verdayîş. Ez reyna kena. Eke wayîr ro ma nêro vetiş do rewşe baş nêbo. Mi roniştişê xo yê 24ê Nîsane de va. La avûkatî zehmet nêkerdî û nêameyî. Rumetê merdiman tîya de binê lingan de yo.”