Dîlan Babat

 

WAN - Hemsereka Şubeyê SESî Wanî Fatma Arslane dîyar kerde seba kreşê ke cinîyan cuyayîşê karî ra dûr fistî, kampanya dayê destpêkerdiş û va ganî her kes piştdayîş bido û wina va: "Ma vanê ke ganî cinî tewr zêde beşdarê cuya karî bibê. No semed ra kreş zaf girîng o. Ma do derheqê xebate xo de dewam bikerê. Ma heme kedkaran pawenê ke piştdayîş bidê na kampanya."

 

KESKî seranserê Tirkîya û Kurdistan de kampanyaya kreşan dayî destpêkerdiş. Hemsereka SESî ê Wanî Fatma Arslane va kreşê ke estê waştişê cinîyan nêanê ca û ganî bi lezgînî bêrê sereraskerdiş.

 

‘Sîstem xo rê razî yo'

 

Fatma dewam de arde ziwan ke seba kreş bi sînor ê cinî nêeşkenê beşdarê cuya kar bibê û hemverê ci têkoşîn kenê. Fatma nê çî va: "Îqtîdaro ke esto problemê kreşan çareser nêkeno. Bi na kampanya dir do cinî bêrê merheleyê ke biwazê. Bi taybetî ganî kreşê 24 saetan akerdeyê estbê. No zî hetê Wezaretê weşîye bêrê kontrolkerdiş û domanî xizmetê bi ziwanê dayîka xo bigîrê."

 

Seba kampanya piştdayîş

 

Fatma dewamê qiseykerdişê xo de da zanayîş ke wextê peyînan de verê ke bi cinîyan rê yenê kerdiş polîtîkayêke cinîyan hepsê keyeyî kenê meydan de yo û va çareserî bi kreşan mumkin o. Fatma seba kampanyaya vengdayîşê piştdayîşî ro kedkeran kerde.