ÎZMÎR - Cemîle Yerduta ke lajê aye hepisxane de yo dîyar kerde ke Roja Dayîkan armancêke bazirganî rê xizmet kena û wina va: "Wa dayîkî wina nêrê vîr. Lajê mi hepisxane de yo. Ma nêeşkenê şêrê. Êdî bes o. Wa 25ê Hezîrane de roj akewtêne.

 

Cemîle Yerduta lajê aye Suleyman Goksel Yerdut hepisxaneyê Asayîşê Berz ê Elezîzî de tewqîfkerde yo,  dîyar kerdr ke Roja Dayîkan amancêke bazirganî rê xizmet kena û reaksîyon mojna ra ke ‘dayîkî bi no hewayî yenê vîrardiş."

 

Cemîle arde ziwan dimayê ke hepsî surgunê bajarê ke keyeyan rê dûrê ameyî kerdiş ra dima keyeyan rê zulm yeno kerdiş û wina va: "Ma nêzanê uca de çi cuwîyenê? Seba ma xemgîn nêbê çîyêke nêvanê. Ma wazenê roja dayîkan verê înan de bê. Lajê mi verê hepisxaneyê Buca de bi. Nika hepisxaneyê Elezîz de yo. Ma nêeşkenê şêrê. Ekonomîya ma çin a. Ma wazenê zaf şêrê verê înan la nêbeno. 15 rojan reyke telefon keno. Ma zanê her çî. Ma xemgîn nêbenê ma seba înan serê lingan de yê."

 

‘Wa 25ê Hezîrane de roj akewt'

 

Cemîle tewr peynî qiseykerdişê xo de da zanayîş ke domanê înan bê sebeb hepisxaneyan de yê û wina va: "Ê seba heqê xo geyrayê uca de yê. Hende zulm nêbeno. Wa no zulm biqedyo êdî. Wa şarê ma îradeyê xo seba xo xebitnenê. Wa 25ê Hezîrane de roj akewte bo.