MÊRDÎN- Pey Hogir Kayrano ke ro Nîsêbîn de netîceyê teqnayîşê madeyê mîyanê xirbe de ame vînayîş cuya xo vinî kerd, di fotografî mendî. Xale ey Meyrem Kayrane dîyar kerde ke êdî bes o wa domanî nêmrê. 

 

Qezaya Nisêbînî yê Mêrdînî de dimayê qedexeyê tebervejyayîşê kuçeyan û pêrodayîşê ame cuwîyayîş de madeyê teqandişî yê mîyanê xirbe her ke şinê gan gênê. Hogir Kayrano 11 serre netîceyê teqnayîşê nameyê mîyanê xirbe de cuya xo vinî kerd. Di serran de 5 domanan cuya xo vinî kerdî.

 

'Di fotografê ey estê

 

Bi keyeyê Hogirî dir tena di fotografê ey estê. Keyeyê Bigîrî de bêvengîyêke pîl serdest o. Xala Hogirî Meryem Kayrane dîyar kerde ke Hogir domanêke sey berxikan bîyo. 

 

Meryeme dazanayîş ke Hogir her roje taxe de pesê xo çêrnayne û kay kerdêne û wina va: “Hogir domanê pîl ê keyeyî bi. Hogir pêwa emrê xo yê qij wextê qedexeyan de nêwaştêne Nisêbîn ra vejyo. Hogir maya xo û Nisêbîn ra zaf hes kerdêne. Nêwaştêne uca ra vejyo. Mi bi destê ey girewt û bi zor vet. Xeylê bêrîya tîya kerdêne."

 

'Bombayêke kerdî mîyanê keyeyî'

 

Meryeme tewr peynî qiseykerdişê xo de roja hedîse û reaksîyonê xo wina arde ziwan: "Ma keye de bî. Nanê nîmerojî werd. Dima ra wişt û va ‘ez heywanan vejêna' û şi. Nika vanê ke Hogir şîyo mîyanê xirbe. Vanê seba varana ke varaya made vejyayo teber û ey pê kay kerdo. La wina nîyo. Bomba xora uca de bî. Ez wexto ke şîya mîyanê gonî de mendib. Bomba binê herrî ra nêvejyabî. Verê betonî de bî. Dimayê hedîse uca de bombayêke bîn zî dîyê. Bombayêke kerdî mîyanê nê keyeyî. Êdî bes o. Wa domanî nêmirê. Bajarî rijyayî, doman, merdimî merdî. Bajaran de domanî nêverdayî."