AMED - Cinîyê ke heqê înan bi OHALî ameyo xespkerdiş û bi krîzê ekonomî nêeşkenê debara xo bikerê vatî: "Bi zor û zehmetiyê îqtîdarî dir cuwîyayîş roj bi roje zehmet beno."

 

Bi di serrî yo OHAL dewam keno û ey dir bi hezaran kedkarî ameyî îxrackerdiş û fatureyê krîzê ekonomî her ke şino zêde beno zî reyna kedkaran ra yeno birnayîş. Cinîyan dîyar kerde ke seba krîzî bi mîlyonan kesî nêeşkenê debara xo bikerê û vatî ganî OHAL bi peynî bibo.

 

'Cuwîyayîş roj bi roje tewr zehmet bena

 

Necla Acete dîyar kerde ke OHAL her het ra prosesêke zehmet o û va seba proses wina dewam nêkero têkoşîn de yê. Necla da zanayîş ke embazê ke ameyê îxrackerdiş xo rê kargerî akerdî û debara xo wina kenê, bi embazanê xo dir piştdayîş de yê la zor û tedayê îqtîdarî cuwîyayîş roj bi roje xidar keno.

 

'Ma nêeşkenê lazimîyê xo bîyarê ca'

 

Hamdîye Çetîne zî bale ante ser zamê ke yenê kerdiş û wina va: "Bi îxracan dir xeylê kes kar ra ameyî durvistiş. Bi KHKyan xeylê kesî karê xo ra bî û nêeşkenê lazimîyê xo bi ca bîyarê. Krîzê bi xo dir têkilîyê keyeyî zî bandure kerdê. Seba ekonomîya keyeyî de problemî yenê cuwîyayîş û cinî bi bandure benê."

 

'OHAL her het ra bandure kerdo'

 

Cinîya bi nameyê Aynura ke nêwaşt peynameyê xo bido arde ziwan ke aye memûrê dewlete bîya û bê perskerdiş ê îxrac kerdê û qiseykerdişê xo wina qedêna: "Ma 14ê Temmuze de rojnameyê fermî de îxracê xo musayî. Tu sebeb nêvatî. Ma qet nêpawêtêne. Hetê ekonomî, komelî û têkilîyê merdiman de ma problemî cuwîyay. Ma embazê xo yê cayê karî de reaksîyon dî. Ma wazenê no proseso ke hemverê huqûqî yo peynî bêro dayîş."