MÊRDÎN - Gulbahar Kizilkaya ke cenazeya aye çalêke de amî vînayîş, derheqê merdişê aye de keyeyo ke amebi tepiştiş ameyî veradayîş. Derheqê hedîse de birayê aye sey gumanbar cêgirayîşê ey esto hema nêameyo vînayîş.

 

Mîdyatê Mêrdînî de dewa Tulgali de 24ê Nîsane de cenazeya cinîyêke bîrêke kanî de amîbî vînayîş. Amebi dîyarkerdiş ke cenaze aîdê Gulbahar Kizilkaya ke mezrayê Otluk ê dewa Îkîzdere de nişnena ro ya. Gulbahara ke vernê de vatî 20 serrî ya, otopsî de ame tespîtkerdiş ke hema 16 serrî ya.

 

Cenazeya Gulbahare hetê şiwanan ra amîbî vînayîş û sî serê cenaza estbîya. Ame tespîtkerdiş ke cenaze ke ameya vetiş aîdê hîrê aşmî verê ya. Keyeyî va 'kêna ma vindî bîya', 'yew ro ma geyraw kêna ma remna yo'.  Cenazeya Gulbahare wedarnayê Sazgehê Tipê Edlî yê Mêrdînî û dima ra Sêrte cayê maya xo ra bîya amî definkerdiş. Dima ra maya ci, pî, zama, ded û dedzayêke aye ameyî tepiştiş. Keye di roj tepişnaye mend û ameyî veradayîş. 

 

Ame zanayîş ke keyeyî vato zanayîşê înan tu çîyêk ra çin o û dimayê ke vindî bîya aye qet nêdîyê. Derheqê hedîse de ame zanayîş ke birayê aye tewr pîl sey gumanbar cigêrayîşê ey esto û nika fîrar o. Balkêşbi ke keye dimayê ke serbest ameyo veradayîş vejyayê zozanan.

 

Derheqê birayê aye gumanbar de zî îdiayê newe estê. Şiwano bi nameyê  M.E va verê cenaze bêro vînayîş wesayîtêke aîdê keyeyî her wext na mintiqa de geyrawa û wina va: "Hîrê aşmê verê wexto ke mi pes çêrnayne, mi wesayîtêke dî. La mi fam nêkerd ez rayîrê xo de şîya."