MÊRDÎN- Nurşan Demîra ke Nisêbîn de amî tepiştiş û bi îşkence îfadeyê aye ame girewtiş û dima ra amî tewqîfkerdiş. Bê zanayîş bidê keye û avûkatanê aye surgunê hepisxaneyê Wanî amî kerdiş. Nurşana ke 5 domanê aye estê, vînayîşê înan tewr bi zehmet.

 

Nurşan Demîra 45 serrî ke mîyanê 70 kesê pêrodayîşê Nisêbînî de amî tepiştiş de ca gêna, bi di serrî yo hepisxaneyê Tîpê E yê Mêrdînî de bî û surgunê Wanî amî kerdiş. Nurşane bi   îfadeyê binê îşkence de dabî û îfadeyê şahidê nimte ra di serrî yo tewqîfkerde ya û di dadgehê verê de vatibî binê îşkence de îfade daya û nêwazena domananê xo ra dûr bimana.

 

Di rojan Muş de ameya tepiştiş

 

Dimayê ke keye şino pêvînayîşê Nurşane museno ke aye surgun kerdê. Keye dimayê ke museno aye berdê Wan, hepisxaneyê Wanî geyrenê û wazenê rojê pêvînayîşî bimusê la keye ra yeno vatiş ke kesêke wina çin a. No ser keye hepisxaneyê Mêrdînî geyrenê û ey zî vanê neqlê Wanî kerdê. Di rojî keye zanayîş aye ra nêgîno. Dimayê ke avûkatî konê dewre musenê ke bê sebeb di rojan hepisxaneyê Tîpê E yê Muşî de sey 'meyman' verdayê.

 

Nurşana ke amî surgunkerdiş 5 domanê aye estê û bi surgunî dir do domanî dayîke zo aşmêk ra reyke bivînê. Keye dîyar kerd ke verê qet nêbîne domanî hewteyêke ra reyke şîne pêvînayîş û nika xeylê bi bandure benê. Keyeyî dîyar kerd ke wina bi dayîke rê û domanan rê îşkence kenê.