Evrîm Kepenek

 

STENBOL - Koroya Lazîka ya muzîkê adetê lazan bi erjê dinya bi zaf vengî newe ra vajenê bi vatişê 'Helasa yalesa' ke yena maneya 'hadê' wayîrê ziwanê Lazkî vejênê.

 

Komêke zerrîwaşteyê Enstîtuya Lazan ê Stenbolî de xebityenê, 2016 de Koroya Lazîka awan kerdî û muzîkê adetîyê Lazkî bi erjê dinya, merheleya zaf vengî de newe ra vajenê. Ekîbe her ke şina goşdarwanan mat verdena. Cinîyê Lazîka ke 6in Bernameyê Mîhrîcanê Koroyê Zafvengî ya Mîyanneteweyî yê Stenbolî ê Sansev de ca girewtêne, bi vatişê 'Helasa yalesa' her kesî dawetê horonî kenê.

 

'Wazena  muzîka lazan bi merdiman bidî naskerdiş'

 

Şefa koroye Emîne Çolake kena. Emîne di serrî yo koro ray bena û dîyar kena ke serra vîyarte de bi hîrê vengan, emsar zî bi çar vengan muzîk kenê. Emîne da zanayîş ke huner karê dîsîplînî yo û wina va: "Seba ke her kes yewbînan bieşnawo, ganî yewbînan goşdarî bikerê. No zî bi weşbîyayîş û famkerdiş derbaz beno. Ma wazenê her kesî rê muzîka Lazan bidê nasnayîş."

 

Beno ke Kurdî û Ermenî zî ro ci bêrê zêdekerdiş

 

Emîne arde ziwan ke ziwanê Lazkî seba verbi çinbîyayîşî, zaf girîng o ke sahneyan de bêro vînayîş û va ziwanê Kurdî, hemşînî, ermenî zî hedefê Lazîka de yo.

 

Endama Koroye Sevînç Alçîçeke zî va ê xeylê vatişê kilamê Lazkî hez kena û wina va: "Ez laz a. Ez bi ziwanê xo kilaman vana. Nika xo tam laz hîs kena. No zî seba mi zaf bi kelecan o. Ma muzîkê xo yewin rey polîfonîk vînenê. Beno ke na Tirkîya de yewin bo."

 

Fîlîz Çervatoglu zî va aye seba ke bi ziwanê xo kilaman vana zaf kelecan a û va seba muzîk bireso neslêke bîn Lazîka rayîrêke baş o.