Bêrîtan Canozer

 

STENBOL - Cinîyê Stenbolî kuçe bi kuçe geyrenê û seba HDPî rayan wazenê 24ê Hezîrane sey berê xelisnayîşî vînenê û dîyar kenê ke ê bitersê zî, biremê zî do no adir hemine biveşno û wina vatî: "Bi têkoşînê hempar ganî ma no adirî dewam bikerê. No semed ra ma hema ke tewr zêde nêveşayê ma no adirî bitefnê. Wextê ma tay mendo."

 

Cinîyê HDPî Stenbol de kuçe bi kuçe geyrenê û xebatê weçînayîşî dewam kenê. Cinîyan weçînayîşê 24ê Hezîrane sey xelisnayîşê şaran şîrove kerdî. Cinîyan da zanayîş ke hema zêde nêveyşayê gerek bi têkoşînê hempar no adirî bitefnê û vatî wextê înan zêde nêmendo.

 

Sultan Bozkurta ke xebatan meşnena 55 serre ya Stenbol de cuwîyena. Sultane mîyanê teda û nîjadperestî de domanê xo bi heskerdişê welatperwerî pîl kerda û bi serran verê seba vilakerdişê dewan koçê Stenbolî kerda. Sultane nika seba weçînayîşî xebityena û dîyar kena ke HDP bi qasê Kurdan, seba Tirk, Ereb, Ermenî, Elewî yanî seba heme şaran şans o û va ê seba heme cinî, ciwan, kedkar, kesê ameyê îxrackerdiş, tornê xo, mamosteyê ke nêameyê tayînkerdiş rayan seba HDPî wazena.

 

‘Şanso peyîn o'

 

Sultane peynîya qiseykerdişê xo de da zanayîş ke AKP êdî tu çîyêke no welatî rê nêdano qezenckerdiş û gerek her kes bizano û va seba xelisbîyayîşê AKPî no weçînayîş şansê peyîn o û va HDP do şaran taritîyê AKPî ra xelas bikero.

 

Nesrîn Koçyîgîta ke nêzdîyê 50 serre ya dîyar kerde ke aye seba vengkerdişê dewan koçber bîya û ameya Stenbol. Nesrîne eynî wextî de endama Meclîsê Dayikê Aştîya ya Stenbolî ya. Nesrîne ard ziwan ke HDP nîşaneyê aştî û birayî yo û va seba azadîya cinîyan, seba koletîyê cinîyan peynî bibo seba HDPî xebityena. Nesrîne da zanayîş ke HDP seba înan xelasîyo û no weçînayîş şanso peyîn o.