MERSÎN - Namzeda parlamentera ya HDPî Fatma Kurtulan dîyar kerde ke vera ferasetêke sîyasî ke heme şaran çin hesibneno, yewin qeraro tewr baş tercîhkerdişê HDPî yo û va yewin adresê bindestan HDP yo.

 

Fatma Kurtulan HDPî de rêza yewine Mêrsîn de bî namzede. Fatma serê serra 1990 de bi HADEPî dest bi sîyasetî kerde û nika bi HDPî dewam kena. Fatma yew şahida derbeyê 12ê êlule û qirkerdişê Mereşî ya. Fatmaya ke wezîfeyê xo merkezê pêroyî yê HDPî de dewam kena, xebatê azadîya cinîyan de zî bi hewayêke aktîf rol gêna. 

 

‘Hemverê sîstemê yewin adres HDP yo’

 

Fatma wina va: “Goreyê mi HDP yewin adresê kesê hemverê sîstemî yo. HDP seba şarê Tirkîya şansêke pîl o. HDP bi bernameyê partîya xo temînatê rojê weşan o.” Fatma bale ante ser koçberîyê netîceyê polîtîkayê şer de Mersîn de virazyayê û va 24ê Hezîrane de rewşa ke bikoyê Meclîs do hemverê polîtîkayê şer û koçberî xebatan bimeşnê. 

 

Heto bîn ra Fatma bale ante serê tecrîdo giran yê serê Rayberê PKKî Abdullah Ocalanî û qiseykerdişê xo wina qedêna: "Tecrîdo serê Rayberê neteweya demokratîke Abdullah Ocalanî,  esasê xo de şexsê Abdullah Ocalanî de ser heme şaran de yeno kerdiş. Seba ke na rewşe peynî bibo, ma binê sîwana HDPî de têkoşînê aştî demokrasî dewam bikerê.”