ENQERE - Fîlîz Gençera ke hepisxaneyê Sîncanî ra berdêne nêweşxane hetê gardîyanan ra rastê îşkence ameya. Fîlîze wina va: “Cezayê hucreyan 35-40 roje yenê dayîş. Seba rengan xeylê cilê ma nînê dayîş. Qelemê rengînî nînê rotiş. Kaxidî nînê dayîş. Hemverê rengan dişminîyêke balkêş esto."

 

Fîlîz Gençera ke 25 serre yo dewaya DHKP-Cî ra hepisxaneyê Sîncanî de tewqîfkerde ya, îhlalkerdişê heqan ê hepisxaneyan mektube de qalî kerde. 

 

Fîlîze mektube de dîyar kerde ke 16ê Nîsane de wexto ke aye berdê nêweşxane rastê îşkence ameya û va: “Wexto ke mi berdenê nêweşxane ez binê berî de vinderta û mi sloganî berz kerdî. Gardîyanan milê mi ra girewtî û ez kaş kerda. Înan mi derb kerd û bi hewayê lez dayî berî ro û nefesê mi kewt zere."

 

Muracatê sucê Fîlîze nawit ke hepisxaneyan de xespkerdişê heqî bîyo rêze ra û va ê hepsîyê şorişgêr waştişanê xo ra fek vera nêdanê û va: "Dimayê îşkenceyê ke mi dî, serdozgerîya komare rê muracatê sucî kerde. Embazê mi zî rastê eynî şîdetî ameyê."

 

Fîlîze da zanayîş ke cezayê hucreyan zêde bîyê û va reyan hîn embazî rastê 35-40 roje cezaya hucre yenê. Fîlîze dewamê mektube xo de îhlalkerdişan wina va:

 

*Saetê pêvînayîşê ma bi 42 deqe sînor kerdê. La xeylê hepisxaneyan de saetêke yo.

 

*Heqê sohbetî bi 5 saetan ameyê sînorkerdiş.

 

*Berê hewadankî saete 08.00 de abeno û 19.00 de yeno padayîş. Îmkanê ma yenê astengkerdiş.

 

 *Xeylê cil û belgê ma seba rengê înan yenê qedexekerdiş.

 

*Ceyran nêdanê prîzanê ma. No semed ra ma nêeşkenê dolaba qeşayî û televîzyon bixebitnê. Ma bi komî nêeşkenê televîzyon temaşe bikerê.

 

*Hacetê kirtasîye kêm ê. Qelemake rengîn nîna rotiş. Kaxidê rengîn çin ê. Hemverê rengan dişminîyêke esto.

 

*Ma kantîn ta dayîş û girewtiş kenê. La qetî çîyê ma temam nêameyê.