STENBOL - Platformê Antîkapîtalîstan dîyar kerdî ke ê rayanê xo bidê HDPî ke heqê karkeran paweno û vatişê nîjadperestî nêvano.

 

Antîkapîtalîstan da zanayîş ke seba erjê çepgiran do rayan bidê HDPî. Xebatê weçînayîşî yê seba HDP û namzedê serekomarîyê Selahattîn Demîrtaşî dewam kenê. Endamê Platformê Antîkapîtalîstan piştdayîşê xo yê seba HDPî qalî kerdî.

 

‘Aktorê tewr girîng’

 

Nuştox Melek Ulugaye va rayanê xo bidê HDP û Selahattîn Demîrtaşî û va HDP hetê azadîyan de aktoro tewr girîng ê Tirkîya yo û qiseykerdişê xo wina dewam kerde: "Tirkîya her het ra hetê azadîya. Nê azadîbîyayîşê zî HDP eşkenê bi ca bîyarê. Ez raya xo dana rîyê roşinvîr û bi huyayîşê yê Demîrtaşî. Hewceyê no welatî bi kesê roşnvîran esto. Ez do zî raya xo bidê înan."

 

‘Îradeyê mîlyonan çin ame hesibnayîş'

 

Çaglaye da zanayîş ke aye verê her çî seba aştî piştdayîş dana HDPî û va dimayê weçînayîşanê 7ê Hezîrana 2015 hemverê HDPî şîdet ame kerdiş û îradeya bi mîlyonan kesî çin o ameyo hesibnayîş. Çagla va aye bi bawerîya xo ya bi erjê aştî û çepgirî do weçînayîş de raya xo bidê HDPî.

 

'Tewr zêde azadî’ 

 

Avûkat Funda Ata zî arde ziwan ke aye tewr zêde azadî wazena do raya xo bida HDPî û wina va: "Wexto ke ma partiyê meclîsî ewnîyenê, ma vînenê ke yewin partîya ke erjê çep hewêneno HDP yo. No semed ra ez raya xo dana Demîrtaş û HDPî.”