Medîne Mamedoglu

 

MÊRDÎN - Rabîa Bulbula ke penîrê bi destê xo viraznena, bazarê Kerboranî de roşena û 20 serran de cesaret da bi desan cinî.

 

Cinîyê qezaya Kerboranî berardişê destê xo roşenê, bi serran o berardişê kom kenê bazaran de roşenê. Rabîa Bulbule bi 20 serrî yo xebityena penîr û şit roşena.

 

Rabîa ke verê kuçe bi kuçe geyrayne, nika bazar de penîr roşena.  Rabîa da zanayîş ke çend managayê aye estê û bi şitê înan penîrê tewir bi tewir viraznena û wina va: "Penîrê mi xeylê yenê ecibnayîş. No semed ra her kes yenê gênê. No mi kêfweş keno. Eke cinî vera kede xo bigîrê kêfxweş bena. Mi xo hewceyê kesî nêkerd. Mi bi pereyê xo ewnîya wa domananê xo ra."

 

‘Rengê cinîyan mojneno ra'

 

Rabîa va verê ke bizewicyo û dimayê zewacî ti qezencê aye çinbîyo û dimayê ke mêrdeyê aye mireno bi tena serê xo hewl dana hîn çîyan bikero û wina vana: "Dimayê mêrdeyê mi merd mi va ez çîyêke bikerî. Mi nêwaşt domanê mi hewceyê kesî bibê. Înan rast nêdî la waştî ez bi keda xo çîyêke bikerî. Ewilî mi zehmetî ant la dima ra ez musaya. Ma sey cinî ekonomîya xo viraznenê û heme zî rengê cinîyan tîya mojnenê ra."