RIHA - Merala qij a ke derbeyê 12ê Êlule 12 serre ya xo de amî tepiştiş û kerdî hepsê Amedî, nika Riha de namzeda HDPî ya. Meral Baltera ke Kurdistan de cuwîyena hemverê zîhniyetê camêrdan têkoşîn kerde û xoverdayîşê Gezîyî de zî ca girewte, cuya xo bi têkoşîn derbaz kerde.

 

Meral Baltera rêza 13in de namzeda HDPî ya Rihayî ya. Meral domana ewil a keyeyî ya û kênaya pîyêke mamoste û dayîkêke kedkara keyeyî ya. Pîyê aye surgunê Yozgatî yeno kerdiş la pîyê aye yeno Amed de bi ca beno û şaredarî de xebityeno. Serra 1977 de pîyê aye kiştişê nedîyar de yeno qetilkerdiş. Keye reyna ageyreno Hîlwan. Maya aye Emîne Haci Yusufoglu 1978 de şaredarîya Hîlwanî de sey yewin cinîya endama meclîsî yenê weçînayîş.

 

Merale dîyar kena ke 1978 de têkoşînê azadî nas kena û va 1980 de 12 serre ya xo de ameya tepiştiş û hepisxaneyê Amedî de menda. Merale va: "O wext Gultan Kişanake zî estbî. Nasname de emrê mi 14 bi la ez bi rastî 12 serre bîya. Her kesî mi ra vatêne ‘Merala qij e’. Ez 6 aşmî hepsî menda."

 

Merale wina dewam kerde: “Ez hepisxane ra vejyaya mi 4 wayê û birayê xo ewnîyawa. Tewr qij 3 serre bi. Maya mi 4 serrî û nîm hepisxane de mende. Ez nêşîya mektebe zî. Ez û wayê û birayê xo tena mendî. Merdimê maye û pîyê mi zî ma nêwaştî. Kesî selam nêdayne ma. Wexto ke maya mi kewte hepisxane cinîyêke 28 serre bî. Dimayê nê mi qetî fek têkoşîn ra vera nêda."

 

'Mêrdeyê mi senîn îxraç bi krîz derbaz kerd'

 

Merale da zanayîş ke senîn maya aye hepisxane ra vejyaya şiyê Stenbol verê xalê xo û dimayê nê zî dest têkoşîn ra vera nêdayê. Merale dîyar kerde ke mêrdeyê aye zî îdareyê Sendîkaya Kedkarê Buro de bîyo û bi KHK kar ra ameyo eştiş û dima yê nê krîzê qelbî derbaz kerdo û cuya xo vînî kerdo.

 

Meralê got li Stenbolê di demên HADEP û DEHAP’ê de xebat meşandiye û bi taybet bi malbatên koçber û yên travma jiyane re xebat meşandiye. Merala ke nika gampole xebitnena, da zanayîş ke wextê Gezî de birîndar bîye û wina va: “Polîsan hêrîşê ma kerd û heme kesî kewtî serê yewbînan. Esteyê kulîmekê mi pelçiqya. Dima ra zî ez baş nêbîya. Ez emrê qij de mexdur bîya û nika zî mexdur bena. Seba sîstemê faşîst vindî bikero çi destê mi ra bêro ez do bikerî.

 

‘HDP sîwana şaran o'

 

Merale da zanayîş ke HDP sîwana şaran o û va her kesî keno xo verike û no semed ra HDP tercih kerda. Merale nê çî ardî ziwan: "Riha de 14 namzedî estê û hêvîya ma aye ke her 14 heb zî şêrê meclîs. HDP eynî wextî de partîya cinîyan a. Ma do xeylê çî pîya sere berê. Seranserê welat de do xeylê embazê ma şêrê Meclîs. Ma hedef kenê ke vernî kiştişê cinîyan û domanan bigîrê. Vernîya îstîsmarî bigîrê”81.20.131.251

port:2121