AYDIN - Verfeka k arkeran ke kar ra ameya eştiş, mobîngê serê cinîyan ê cayê karî qalî kerde û va 24ê Hezîrane de rayan medê partîyê ke hetê patronan ê.

51 karkerî 6ê Adara 2018 de bi sebebê endamê sendîkaya Tekgida-Îş ya Fabrîkayê Sibaş Gida yê Sokeyî Aydinî de xebityenê kar ra ameyî eştiş û yew înan ra zî verfeka karkeran Meral Yildize bî. Merale şert û mercê xebate û prosesê sendîkayîbîyayîşî qalî kerde. Merale dîyar kerde ke fabrîkayê cinîyan de tewr zêde heqaret û mobîng esto û va her wext binê tehdîdê kar ra vetişî bi û xêrcê rêxistinbîyayîşî çareyê înan çinbîyo.

Merala ke Sîbaş de sey postabaşi xebityayne 9 serre bi sey karkera taşeron fabrîka de xebityayne. Zafê xo cinî xeylê karkerî Akçakonakî de cuwîyayne. Merale 8 karkerê ewil yê kar ra ameya eştiş a. Merale va roje de 10 saetan xebityayê û hewteyêke de tena rojeke destûr xebitnayê û her wext înan tewr zêde dayê xebitnayîş. Merale wina va: "Sereyê aşma sibate de ma Tekgida-îş de dest bi rêxistinbîyayîş kerd. Ma prosesêke kilm de zî temam bî.  8ê Sibate de zî ma kar ra eştî. Dima ra ê bînan eştî. Heta nika dadgeha ma zî dewam kena."

'Mobîng ameyne kerdiş'

Merale da zanayîş ke nêzdîyê 50 endamê înan bîyê û 30 hebî bîn zî ameyê bîyê endam û wina va: "Cinî goreyê camêrdan warê berardişî de tewr zêde yê. Berpirsîyarî cinîyan pelçiqnenê. No semed ra nêbîyayîşê hêzê rêxistinî bi. Hetê patronan ra mobîng ameyne kerdiş. Hîn rojan destûrê ma estbi. Ma roja yewşeme xebityayne. Ê rojan de ma bêqert kewtêne zere. Ma kaçax ameyne xebitnayîş. Kesê ke a roje nêameyê rastê mobîngî ameyne. Ma sendîka akerde. Dewaya îtîrazî akerdî. Dewaya ma yewine abî. Seba ke dadger çinbi ame taloqkerdiş. Dewaya yewin Temmuze de bêro vînayîş. Ma do xoverdayîş qezenç bikerê. Ma do ageyrê karê xo. Şertê tewr xirab de karkerê taşeron xebityenê. Sebebê vetişê ma sey makînebîyayîş ame mojnarayîş. La sebeb sendîkabîyayîş bî."

Merale peynîya qiseykerdişê xo de da zanayîş ke çalakîya înan ya ewil zî hetê leşkeran ra ameya astengkerdiş û sebeb zî OHAL ameyo mojnarayîş û wina va: "Ganî her kes bi îradeyê xo raya xo bixebitnê. Ganî rayanê xo nêdê partîyê aîdê patronanê AKPî ke hetê karkeran nîyê. Do cinî wayîrê xo û fikrê xo vejyo."