MÊRDÎN - Pero Dundara ke rêza diyîn namzeda HDPî ya Mêrdînî ya, dîyar kerde ke do vengê şaran berê Meclîs û wina va: "Ma do zîhnîyetê yew mêrdekî bişiknê. Ma cinî ganî seba nê bixebityê."

Xebatê weçînayîşê yê HDPî bêmabên dewam kenê.  Pero Dundara ke rêza diyîn ê HDPî yê Mêrdînî de namzed a, sere de operasyonê binê nameyê KCKî de hîrê rey ameya tepiştiş û pêroyî de 20 serre xo hepisxaneyan derbaz kerda.

Peroya ke Nisêbîn de ameya dinya û domanîya aye uca de derbaz bîya, bi serran xebate cinîyan de ca girewta û pêroyî de hîrê rey ameya tepiştiş û her vejyayîşê xo de zî nasnameyê xo yê muxalîf pawit a û xebate kerda.

'Ma do vengê şaran û cinîyan meclîse de bidê eşnawitiş'

Pero da zanayîş ke ganî no prosesî de şar xebatê xo heta peynî bikerê û wina va: "Heta ewro mi senîn xebat meşna, ez do tîya ra tepya zî bikerî. Xebata warî û sîyasetî yewbînan ra cîya nîyê. Karê meclîse esas zî o yo ke şarî dir bê. Heta ewro wina bi. Kêmasîyê ma zî virazyayî la ma heta tîya ameyî. Ma do tîya ra tepya zî bixebityê."

'HDP seba meclîse şansêke yo'

Pero wina dewam kerde: "Destûrêke bingeyîn yê şarî, cinî û ciwan tede çin ê esto. No semed ra karê ma zehmet o. Ganî ma zaf bixebityê. Ganî ma tewr zêde vengê xo berz bikerê. Perspektîfê HDPî zî wina yo. Reng û vengê şaran esto. HDP parlamento de şansêke yo."

Pero peynîya qiseykerdişê xo de va ê zî vanê ke ganî cinî demokrasîya Tirkîya de bibê û seba nê zî tewr baş înan dir eşkenê bivurnê û va: "Amancê ma a ya ke tecrîdê serê Abdullah Ocalan ganî bêro wedartiş. Aştîyêke mende bi azadîya Birêz Ocalan mumkin o."